ވައްކަމުގެ މައްސަލައިގައި ތަހުގީގަށް މީހަކު ހާޒިރު ކުރުމަށް އާންމުންގެ އެހީއަށް ފުލުހުން އެދިއްޖެ
ފުލުހުންގެ ޖެނެރަލް އިންވެސްޓިގޭޝަން ޑިޕާޓްމެންޓުން ތަހުގީގު ކުރަމުން އަންނަ ވައްކަމުގެ މައްސަލައެއްގައި ތަހުގީގަށް ހާޒިރު ކުރަން ބޭނުންވާ މީހެއް، ދިރިއުޅޭ ތަނާއި އެމީހާއާ ގުޅޭ އެއްވެސް މައުލޫމާތެއް އެނގިފައި ނުވުމުގެ ސަބަބުން ޗިޓު ނުފޮނުވިފައި ވާތީ، ތަހުގީގަށް ހާޒިރުވުމުގެ ގޮތުން ފޮޓޯއާއެކު އިއުލާނުކޮށް އާންމު ރައްޔިތުންގެ އެހީތެރިކަމަށް އެދިއްޖެއެވެ.
ފުލުހުން މިގޮތަށް ކަންތައް ކޮށްފައި ވަނީ ފުލުހުންގެ މައްސަލަތައް ބެލުމުގައި އަމަލު ކުރާނެ އިޖުރާއަތުގައިވާ ގަވައިދުގެ 27 ވަނަ މާއްދާގައިވާ ގޮތުގެ މަތިންނެވެ. މިގޮތުން މި މައްސަލައިގެ ތަހުގީގަށް ހާޒިރުވުމަށް ފުލުހުން އިއުލާނު ކޮށްފައި ވަނީ ހދ. ކުޅުދުއްފުށި، ލަންދޫގެ، ޢަބްދުﷲ ޢިބްރާހީމް (36އ) ، A115509 އެވެ.
ފުލުހުންގެ އިއުލާންގައި ބުނެފައި ވަނީ 23 ޑިސެމްބަރު 2020 ގެ ހެނދުނު 10:00 ޝަހީދު ހުސައިން އާދަމް ބިލްޑިންގަށް އައުމަށް އޭނާއަށް ދަންނަވާ ކަމަށެވެ.
