ވަޒީފާ ބޭނުންނަމަ ދުންފަތުގެ އިސްތިއުމާލު ކުރުން ހުއްޓާލަން އިންޑިއާގައި މިހާރު މަޖުބޫރު!

އިންޑިއާ: ޕަޓްނާގެ ސަރުކާރު މުއައްސަސާ އަކުން ޒުވާނުން ވަޒީފާ ބޭނުންނަމަ ދުންފަތުގެ އިސްތިއުމާލު ކުރުމުން ދުރުވާން ޖެހޭ ކަމަށް "ޖާކާންޑް" ގެ ސްޓޭޓް މިނިސްޓަރ ނިންމައިފިއެވެ.

މިނިސްޓަރު ބުނެފައިވަނީ ޒުވާނުންގެ ތެރެއިން އިންޑިއާގެ އެ އަވަށުގެ ސަރުކާރު މުއައްސަސާއަކުން ވަޒީފާ ބޭނުންވާ ކަމުގައި ވާނަމަ ސިނގިރޭޓު ނޫނީ އެފަދަ އެއްވެސް ދުންފަތުގެ އިސްތިއުމާލަކާ ދުރުވެ ހުރުމަކީ މިހާރު މަޖުބޫރު ކަމެއް ކަމުގައެވެ.

އެހެންނަމަވެސް މި ގަވައިދަށް ޢަމަލު ކުރަން ފަށާނީ އަންނަ އަހަރުގެ އޭޕްރީލް މަހުން ފެށިގެން ކަމަށާއި، މި ގަވައިދަށް އަމަލު ކުރެވެން ފެށުމާއެކު އޮފީހުގައި ވެސް އަދި އޮފީހުން ބޭރުގައި ވެސް އެ މުވައްޒަފެއް ދުންފަތުގެ އިސްތިއުމާލު ކުރުމަކީ މަނާ ކަމެއް ކަމަށް ސްޓޭޓް މިނިސްޓަރު ވަނީ ބުނެފައެވެ.

ހަމަމިއާއެކު ވަޒީފާއަށް ކުރިމަތި ލާއިރުގައި އެފަދައިން ބަޔާން ކުރެވިފައިވާ އިގުރާރެއްގައި ސޮއި ކުރެވޭނެ ކަމަށާއި، ތައުލީމު ހާސިލު ކުރި މަރުކަޒުތައް ހިމެނޭ ސަރަހައްދުތަކާ 100 މީޓަރު ކައިރީގައި ދުންފަތުގެ އިސްތިއުމާލު ކުރުމާއި ދުންފަތުގެ އެއްވެސް ބާވަތެއް ވިއްކުމަކީ ވެސް މަނާ ކަމެއް ކަމަށް މިނިސްޓަރު ވަނީ ބުނެފައެވެ.

ޖާކާންޑަކީ ނިސްބަތުން ގިނަ ބަޔަކު ދުންފަތުގެ އިސްތިއުމާލު ކުރާ ސްޓޭޓަކަށް ވެފައި އެކަން ހުއްޓުވުމަށް ކުރެވޭ ކަމެއްގެ ގޮތުން މިކަން ކުރުން މުހިންމު ކަމަށް މިނިސްޓަރު ވަނީ ބުނެފައެވެ. އެ ސްޓޭޓްގެ ކޮންމެ 6 ފިރިހެނަކުން 5 ފިރިހެނުން ދުންފަތުގެ އިސްތިއުމާލު ކުރާއިރު، ކޮންމެ އަންހެނަކުން އެއް އަންހެނަކު ދުންފަތުގެ އިސްތިއުމާލު ކުރާކަމަށް މީޑިއާތަކުން މައުލޫމާތު ލިބެއެވެ. ދުވާލެއްގެ މައްޗަށް ޖާކާންޑުގައި، 38.9 އިންސައްތައަށް ވުރެ ގިނަ މީހުން ދުންފަތުގެ އިސްތިއުމާލު ކުރަމުން އަންނައިރު، ގާތްގަނޑަކަށް 147 ކުޑަކުދިން އެ ސްޓޭޓްގައި ދުންފަތުގެ އިސްތިއުމާލު ކުރާ ކަމަށް މައުލޫމާތު ލިބެއެވެ،