މާވަހަރެއް ކަމަށް ހީކޮށް ގެއަށް ގެނެވުނީ ބޮމެއް، މަންމައާއެކު ދަރިފުޅު ވެސް ޒަހަމްވީ ބޮން ގޮވައިގެން
މިއީ އިނގިރޭސި ވިލާތުގައި ދިރިއުޅެމުން އައި ދެމައިންނަށް ދިމާވި ވަރަށް ހިތާމަވެރި ހާދިސާއެއްގެ ވާހަކައެވެ. މިހާދިސާގައި ނަސީބަކުން އެއްވެސް ފުރާނައެއް ނުގެއްލެއެވެ.
ބޭރުގެ މީޑިއާތަކުން މައުލޫމާތު ލިބިފައިވާ ގޮތުގައި މި ހާދިސާ ހިނގީ ދެވަނަ ބޮޑު ހަނގުރާމައިގެ ދުވަސްވަރުގައި ބޭނުން ކޮށްފައިވާ ވައްތަރުގެ ބޮމެއް ގޮވައިގެންނެވެ. އަދި މި ދެމައިން ވެސް މި ބޮން ގެއަށް ގެނައީ މާވަހަރެއް ކަމަށް ހީކޮށެވެ.
މާވަހަރެއްތޯ ބެލުމަށް ޓަކައި ޕިނެއް ހޫނު ކުރުމަށް ފަހުގައި އެ ބޮން ތެރެއަށް ކޮށްޕާލުމުން އެންމެ ފުރަތަމަ ދުން އެރުމަށް ފަހުގައި އަލިފާން ކަނި ބުރަން ފެށީ ކަމަށާއި، އެހިސާބުން ޒާތެއްގެ ވަހެއް ދުވަން ފެށުމުން އެ ދެމައިން ވެސް މަތީި ކޮޓަރިއަށް ދުއްވައިގަތީ ކަމުގައި އަންހެން މީހާ ބުނެފައިވެއެވެ.
ބޮން ސާފު ކުރަން ދެމައިން ވެސް އުޅުނީ ބަދިގޭގައި ކަމުން މާބޮޑު އަނިޔާއެއް ދެމައިންނަށް ވެފައި ނުވާކަމުގައި ވިނަމަވެސް ގޭގެ ބަދިގެ ހުންނަ ސަރަހައްދު އެއްކޮށް ހަލާކުވެފައިވާކަމަށް ވެސް ބޭޭރުގެ މީޑިއާ ތަކުން މައުލޫމާތު ލިބެއެވެ. އަދި މި މައްސަލަ މިހާރު ފުލުހުން އަންނަނީ އިތުރަށް ބަލާ ތަހުގީގު ކުރަމުންނެވެ.
