1438ގެ މީޑިއާ ޕާރޓްނަރަކަށް ދެން އެމްވީ!
1438 ބޮޑުބެރު ގުރޫޕްގެ މީޑިއާ ޕާރޓްނަރަކަށް ދެން އެމްވީ ހަމަޖައްސައި އެކަމުގެ އެެއްބަސްވުމުގައި މިއަދު ސޮއި ކޮށްފިއެވެ.
މި އެގްރީމެންޓުގައި 1438ގެ ފަރާތުން ސޮއި ކުރީ 1438ގެ މެނޭޖަރު އަދި ލީޑް ވޯކަލިސްޓު މުސްފަހް (މުސީ) އެވެ. އަދި ދެން އެމްވީގެ ފަރާތުން ސޮއި ކުރީ ދެން މީޑިއާގެ މެނޭޖިން ޑިރެކްޓަރ އިބްރާހިމް ނާއިފެވެ.
1438ގެ މީޑިއާ ޕާރޓްނަރެއްގެ ގޮތުގައި ދެން އެމްވީއާ ދެމެދު ސޮއި ކުރެވުނީ އެއް އަހަރު ދުވަހުގެ މުއްދަތަކަށެވެ.
1438 އުފެދިގެން އައީ 2016 ވަނަ އަހަރު ، ހިޖުރީ ގޮތުން 1438 ވަނަ އަހަރުއެވެ.
1438 އުފެދުނުތާ ކުޑަ ދުވަސްކޮޅެއްގެ ތެރޭގައި އެ ގުރޫޕް ވަނީ ބޮޑުބެރުގެ ދާއިރާގެ އެންމެ އުހަށް ދަތުރުކޮށްފައެވެ.ކޮވިޑް-19 އަށް ފަހު މުނިފޫހިފިލުވުމުގެ ހަރަކާތްތައް ވަރަށް ބޮޑަށް މަޑު ޖެހިފައި އޮތުމަށްފަހު 1438 ބޮޑުބެރުން ވެސް މިވަނީ އަނެއްކާ ވެސް ޝޯވ ތަކާއި އިވެންޓުތަކުގެ މަސައްކަތްތައް ކުރަން ފައްޓާފައެވެ.
މި ދުވަސްވަރު 1438ގެ މަސައްކަތްތަކުގެ ތެރޭގައި ބޮޑަށް ހިމެނެނީ ހިތާނީ ޝޯވ ތަކެވެ. ގިނަ ހިތާނީ ޝޯވތަކެއްގައި 1438ގެ ފަރާތުން ދަނީ ޕާފޯމް ކުރަމުންނެވެ. އަދި ހަމަ އެހެންމެ 1438ގެ ލީޑު ވޯކަލިސްޓް މުސްފަހް (މުސީ)ގެ އައު ލަވަތަކެއް ވެސް އަވަސް މުސްތަގުބަލެއްގައި ފެނިގެން ދާނެ ކަމަށް އެ ގުރޫޕުން ބުނެއެވެ.
ކޮވިޑް-19އަށް ހުރިހާ ހަރަކާތްތަކެއް ހުއްޓާލާފައި އޮތުމަށްފަހު އަލުން 1438ގެ ހަރަކާތްތައް ފެށުމަށް ތައްޔާރު ވެފައިވާއިރު، 2021 ވަނަ އަހަރަށް ގިނަ މަސައްކަތްތަކެއް ކުރުމަށް އެ ގުރޫޕުން ވަނީ ނިންމާފައެވެ.
