ލަންކާއަށް އެތެރެ ކުރަން އުޅުނު 20 ހާސް ކިލޯގެ ރީނދޫ ހިފަހައްޓައިފި
ގަވައިދާ ހިލާފަށް ސްރީލަންކާއަށް އެތެރެ ކުރަން އުޅުނު 20،000 ކިލޯގެ ރީނދޫ އެގައުމުގެ ސަރުކާރުން ހިފައްހައްޓައިފިއެވެ.
އެގައުމަށް ރީނދޫ އެތެރެ ކުރަން މަސައްކަތް ކޮށްފައި މިވަނީ ކޮވިޑް-19 އާ ގުޅިގެން ބައެއް ކާބޯތަކެތި އިމްޕޯޓު ކުރުން މަނާ ކޮށްފައި ވަނިކޮށެވެ. ލަންކާ ސަރުކާރުގެ މި ނިންމުމަކީ ކޮވިޑްއާ ގުޅިގެން އެގައުމުގެ ދަނޑުވެރިންނަށް އެހީވުމުގެ ގޮތުން ނިންމާފައިވާ ނިންމުމެކެވެ.
ރިޕޯޓުތައް ބުނާ ގޮތުގައި ގިނަ އަދަދެއްގެ ރީނދޫ އެތެރެ ކުރަން މަސައްކަތް ކޮށްފައި ވަނީ އެކުވެރި އިންޑިއާއިންނެވެ.
ރީނދޫގެ އިމްޕޯޓު ހުއްޓާލުމާއެކު އެގައުމުގައި ރީނދޫގެ އަގު ވަނީ ބޮޑުތަނުން އުފުލިފައެވެ.
މީގެ ކުރިން ވެސް ބައެއް ވިޔަފާރިތަކުން ވަނީ ރީނދޫ އެތެރެ ކުރުމުގެ ހުއްދައަށް އެދިފައެވެ. ނަމަވެސް ސަރުކާރުން ހުއްދަ ދީފައެއްނުވެއެވެ.
ކޮވިޑް-19 އައުމުގެ ކުރިން ދުވާލެއްގެ މައްޗަށް ލަންކާގައި 7 ޓަނުގެ ރީނދޫ ބޭނުން ކުރާ ކަމަށް ރިޕޯޓުތައް ބުނެއެވެ.
Ads by STO
