އިންތިޚާބު ފަސް ކުރުމަކީ ސަރުކާރުން ރާވައިގެން ގަސްތުގައި ކުރާ ކަމެއް: އާދަމް ޝަރީފް
ލޯކަލް ކައުންސިލް އިންތިޚާބު ފަސްކުރުމަކީ ސަރުކާރުން ރާވައިގެން ގަަސްތުގައި ކުރާ ކަމެއް ކަމަށް ރައްޔިތުން މަޖިލީހުގެ މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ވިދާޅުވެއްޖެއެވެ.
ސިއްހީ ކުއްލި ނުރައްކަލުގެ ހާލަތު ފެބްރުވަރީ ތިނަކަށް ދިގުދަންމާލުމާއެކު ލޯކަލް ކައުންސިލް އިންތިޚާބު މާރިޗު ހައެއްގައި ނުބޭއްވޭނެ ކަމަށް އިލެކްޝަންސް ކޮމިޝަނުން ވަނީ ހާމަ ކޮށްފައެވެ. މި މޭރުމުން އާދަމް ޝަރީފް ވާހަކަ ދައްކަވާފައި ވަނީ އެ ހަބަރު ޓްވީޓާގައި ހިއްސާ ކުރެއްވުމަށްފަހުގައެވެ.
ކައުންސިލް އިންތިހާބު ފަސްކުރީ އިންތިހާބު ބާއްވައިފި ނަމަ ސަރުކާރު ފެއިލް ވެފައިވާ މިންވަރު ރަނގަޅަށް އެނގި ހާމަވެގެންދާނެތީ ކަމަށް ވެސް އާދަމް ޝަރީފް ވަނީ ވިދާޅުވެފައެވެ. އަދި ލޯކަލް ކައުންސިލް އިންތިހާބު ފަސްކުރިޔަސް ރައްޔިތުންގެ މިހާރުގެ ފިކުރު ބަދަލެއް ނުކުރެވޭނެ ކަމަށައި ރައްޔިތުން ތިބީ މާޔޫސްވެފައި ކަމުގައި ވެސް ޝަރީފް ވިދާޅުވިއެވެ.
ކޮވިޑް-19 ފެތުރެމުންދާތީ ރާއްޖޭގައި އިއުލާން ކޮށްފައިވާ ސިއްހީ ކުއްލި ނުރައްކަލުގެ ހާލަތުގެ މުއްދަތު އަނެއްކާވެސް އިތުރު ކޮށް ފެބްރުވަރީ ތިނަކާ ހަމައަށް ދިގު ދަންމާލައިފައި ވާތީ އިންތިހާބު މާރޗް މަހުގެ ހައެއްގައި ނުބޭއްވޭނެ ކަމަށް އިލެކްޝަންސް ކޮމިޝަންގެ ރައީސްއާ ހަވާލާދީ އޮންލައިން ނޫސް "ވަގުތު" އިން ވަނީ ރިޕޯޓް ކޮށްފައެވެ. އަދި އެއާ ގުޅޭ ނިންމުންތައް ބުދަ ދުވަހު ބާއްވާ ބައްދަލުވުމެއްގައި ނިންމާނެ ކަމަށް ވެސް ވިދާޅުވިއެވެ.
Ads by STO
