ޢަބްދުއްރަޙީމްގެ މަންމާފުޅު ދެމިއޮތުމުގެ ޢާލަމަށް ދަތުރު ކުރައްވައިފި
އިދިކޮޅު ޕީޕީއެމް/ޕީއެންސީ ކޯލިޝަން ހިންގުމާ ހަވާލުވެ ހުންނެވި ޢަބްދުއްރަޙީމް ޢަބްދުﷲ (އަދުރޭ) ގެ މަންމާފުޅު ދެމިއޮތުމުގެ ޢާލަމަށް ދަތުރު ކުރައްވައިފިއެވެ.
އެނގިފައިވާ ގޮތުގައި ޢަބްދުއްރަހީމްގެ މަންމާފުޅު އަދި ޕީޕީއެމް ކައުންސިލު މެންބަރު އިބްރާހީމް ފައިސަލްގެ މާމާފުޅު މަރްޔަމް އަހުމަދު، ލ. ފޮނަދޫ/ބަނަފްސާގެ، ނިޔާވީ ރޭ ފަތިހުގެ ވަގުތެއްގައެވެ.
ޢަބްދުއްރަޙީމްގެ މަންމާފުޅު ދެމިއޮތުމުގެޢާލަމަށް ދަތުރު ކުރެއްވުމާއި ގުޅިގެން އިދިކޮޅު ކޯލިޝަންގެ ފަރާތުން ވަނީ އެމަނިކުފާނަށާއި ޢާއިލާއަށް ތަޢުޒިޔާ ވިދާޅުވެފައެވެ.
އެގޮތުން އެކޯލިޝަންގެ ފަރާތުން މިއަދު ނެރުނު ބަޔާނެއްގައި ބުނެފައިވަނީ ޕީއެންސީގެ ރައީސް ޢަބްދުއްރަޙީމް ގެ މަންމާފުޅު ދެމިއޮތުމުގެޢާލަމަށް ދަތުރުކުރެއްވުމުގެ ހިތާމައިގައި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް އާއި، އެކޯލިޝަންގެ ލީޑަރޝިޕާއި އެންމެހާ މެންބަރުންގެ ފަރާތުން ބައިވެރިވާ ކަމަށާއި އާއިލާއަށް ތަޢުޒިޔާ ދަންނަވާ ކަމަށެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތްލައްވާ، ފާފަ ފުއްސަވާ، ސުވަރުގޭގެ ދާއިމީ ނިއުމަތް މިންވަރު ކޮށްދެއްވާށިއެވެ.އާމީން! އަދި މި ހިތްދަތި ވަގުތުގައި އާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِرَاجِعُون
Ads by STO
