ލޯކަލް ކައުންސިލު އިންތިހާބު އޭޕްރިލް 3 ގައި
މިއަހަރުގެ މާރިޗު މަހުގެ 6 ވަނަ ދުވަހު ބޭއްވުމަށް ކުރިން ތާވަލުކުރި ލޯކަލް ކައުންސިލު އިންތިހާބު، އަންނަ އޭޕްރިލް މަހުގެ 3 ވަނަ ދުވަހު ބޭއްވުމަށް ނިންމައިފިއެވެ.
ކައުންސިލް އިންތިހާބު ފަސް ކުރުމާ ގުޅިގެން އުފެދިފައިވާ ގާނޫނީ މައްސަލަތަކަށް ހައްލު ހޯދަން މަޖިލީހުން ވަނީ ސަންސެޓް ގާނޫނެއް ފާސް ކޮށްފައެވެ. އެ ގާނޫނު ބުނާ ގޮތުން ތަސްދީގު ކުރާތާ އަހަރު ދުވަސްތެރޭ އިންތިހާބު ބާއްވަން ޖެހެއެވެ. އެހެންކަމުން މެއި މަހުގެ ނުވަ ވަނަ ދުވަހުގެ ކުރިން އިންތިހާބު ބާއްވަން ޖެހެ އެވެ.
ނަމަވެސް ކޮވިޑް-19 އާ ގުޅިގެން އާއްމު ސިއްޙަތުގެ ކުއްލި ނުރައްކަލުގެ ހާލަތުގެ މުއްދަތު އިތުރު ކުރުމާ ގުޅިގެން، ކައުންސިލު އިންތިހާބު މާރިޗު މަހުގެ 6 ވަނަ ދުވަހު ނުބޭއްވޭނެ ކަމަށް މީގެކުރިން އިލެކްޝަންސް ކޮމިޝަނުން ވަނީ އިއުލާނު ކޮށްފައެވެ.
އީސީން މިއަދު އެކަމާ ގުޅޭ ގޮތުން ބުނެފައި ވަނީ، މިއަހަރުގެ އޭޕްރިލް މަހުގެ 3ވަނަ ދުވަހު ކައުންސިލު އިންތިހާބު ބޭއްވުމަށް ހަމަޖެހިފައިވާ ކަމަށެވެ.
މީގެކުރިން އީސީ ޝަރީފު ވިދާޅުވެފައި ވަނީ، މިހާރު ޗުއްޓީގައި އޮތް މަޖިލީހުން ދައުރުން ބޭރުން ޖަލްސާއެއް ބާއްވައިގެން ގާނޫނު އިސްލާހުކޮށްދޭން ޖެހޭކަމަށެވެ.
ބޮޑުވަގު