ޕޯސްޓުން އެތެރެކުރަން އުޅުނު 42،000 ރުފިޔާގެ މަސްތުވާތަކެތި އަތުލައިގެންފި

ޕޯސްޓު މެދުވެރިކޮށް ރާއްޖެ އެތެރެ ކުރަން އުޅުނު މަސްތުވާ އެއްޗެހިތަކެއް އަތުލައިގެންފިއެވެ.

Ads by MWSC

ކަސްޓަމްސް އިން މައުލޫމާތު ދީފައިވާ ގޮތުގައި މިމަސްތުވާތަކެތި އަތުލައިގެންފައި ވަނީ ޖެނުއަރީ 10 ވަނަ ދުވަހު ޕޯސްޓް މެދުވެރިކޮށް ރާއްޖެ ގެނައި ޕާރުސަލުތަކެއް ބަލައިފާސްކުރުމުގެ ތެރޭގައި ކަމަށެވެ.

ކަސްޓަމްސް އިން ބުނެފައިވާ ގޮތުގައި ޕާރުސަލްގައި ހުރި މަސްތުވާތަކެތި ކަމަށް ޝައްކު ކުރެވޭ އެއްޗެއް ފުރަތަމަ މަރުހަލާގައި ޓެސްޓުކުރި އިރު، މަސްތުވާތަކެތީގެ ބާވަތެއް ކަމުގައިވާ އެމްޕެޓަމިން އަށް ޕޮޒިޓިވް ވެފައި ވެއެވެ.

އެތަކެތީގެ ބަރުދަނުގައި 14 ގްރާމް ހުރިއިރު އެތަކެތީގެ އަގު 42،000 ރުފިޔާއަށް އަރާނެ ކަމަށް ވެސް ކަސްޓަމްސްއިން ބުނެއެވެ.

މިމައްސަލަ އިތުރަށް ތަހުގީގުކުރަން ފުލުހުންނާ ހަވާލުކޮށްފައިވާ ކަމަށް ވެސް ކަސްޓަމްސް އިން ބުނެއެވެ.