ނަމާދަށް ހުރި ދިވެއްސެއްގެ ކަރުގައި އިންޑިއާ މީހަކު ހިފައިފި
ހުޅުމާލެ މިސްކިތެއްގައި ނަމާދަށް ހުރި އުމުރުން ދުވަސްވީ ދިވެއްސެއްގެ ކަރުގައި އިންޑިއާ މީހަކު ހިފި މައްސަލައެއް ހޫނު ވެއްޖެއެވެ.
އެނގިފައިވާ ގޮތުގައި މިހާދިސާ ހިނގާފައިވަނީ މިއަދު އަސުރު ނަމާދު ވަގުތު ހުޅުމާޅޭގައި ހުންނަ މަސްޖިދުލް އަޒީޒާ މޫސާ މިސްކިތުގައެވެ.
އޮންލައިން ނޫސް "ދަ ޕްރެސް" އިން ބުނެފައިވަނީ މި ހާދިސާ ހިންގާފައި ވަނީ އަސްރު ނަމާދުގެ ޖަމާއަތް ނިމުނު ފަހުން ކަމަށް އެނޫހަށް މައުލޫމާތު ލިބިފައިވާ ކަމަަށެވެ.
އިންޑިއާ ރައްޔިތެއް އެ މިސްކިތަށް އަރާ އެ ވަގުތު ނަމާދަށް ހުރި ދޮށީ އުމުރުގެ ދިވެއްސެއްގެ ކަރުގައި ހިފުމުން އެ މިސްކިތުގައި ތިބި މީހުން އެމީހުން ހުއްޓުވި ކަމަށް މައުލޫމާތު ލިބިފައިވެއެވެ.
ފުލުހުންގެ މީޑިއާ އޮފިޝަލަކު ވިދާޅުވީ ހުޅުމާލޭ އަޒީޒާ މިސްކިތް ތެރޭގައި ހުރި އުމުރުން ދުވަސްވީ މީހަކު ގައިން ވަހެއް ދުވާތީ ކަމަށް ބުނެ އިންޑިއާ ފިރިހެނެއް އެމީހާ ނެރެން އުޅެ، މާރާމާރީ ހިންގާފައިވާ ކަމުގެ މައުލޫމާތު ފުލުހުންނަށް ލިބިފައިވާ ކަމަށެވެ.
މިމައްސަލައިގައި އިންޑިއާ މީހާ މިވަގުތު ހުރީ ފުލުހުންގެ ބެލުމުގެ ދަށުގައި ކަމަށް ވެސް އޮފިޝަލު ވިދާޅުވެފައިވެއެވެ.
މިމައްސަލައާ ގުޅިގެން ބަލަން ޖެހޭ ކަންކަން ފުލުހުން ދަނީ ބަލަމުންނެވެ.
Ads by STO
