ހުޅުމާލެ ތިންވަނަ ފިޔަވެއްސަށް ފަހު ދެން ހިއްކަން ފަށާނީ ގިރާވަރުފަޅު: ރައީސް

ހުޅުމާލެ ތިންވަނަ ފިޔަވެއްސަށް ފަހު ދެން ހިއްކަން ފަށާނީ ގިރާވަރުފަޅު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ އެކްސްގައި ހިއްސާކޮށްފައިވާ ޕޯސްޓެއްގައި ވިދާޅުވީ، ހުޅުމާލެ ތިންވަނަ ފިޔަވަހީގެ ބިން ހިއްކުމުގެ މަސައްކަތް އެކީ ނިމިފައިވާ ކަމަށެވެ. އަދި އެމަނިކުފާނު ވަނީ ހިއްކާފައިވާ ސަރަހައްދު، ހިއްކުމުގެ ކުރިން 2023ވަނަ އަހަރު ސެޕްޓެމްބަރު މަހު އޮތް ގޮތުގެ ފޮޓޯއަކާއި ހިއްކުމުގެ ފަހުން އޮތް ގޮތުގެ ފޮޓޯއެއް ހިއްސާ ކުރައްވައިފައެވެ.

https://twitter.com/MMuizzu/status/2015382153782235200

މި މަޝްރޫޢުގައި ވަނީ ދެ މަސްދުވަހުގެ ތެރޭގައި 40ހެކްޓަރުގެ ބިން ހިއްކާ ނިންމާލައިފައެވެ. މި މަސައްކަތް ފަށާފައި ވަނީ 2024ވަނަ އަހަރުގެ ނޮވެމްބަރުގައެވެ. ގިރާވަރުފަޅަކީ އެމްޑީޕީ ވެރިކަމުގައި ގޯތި ދޫކޮށް، ގޯތި ލިބޭނެކަމުގެ ލިޔުން ވެސް ހަވާލުކޮށްފައިވާ ތަނެކެވެ.