މައިޒާންތައް ނުބަލަހައްޓާތީ ޑރ. މުޢިއްޒު ކަންބޮޑުވުން ފާޅުކުރައްވައިފި
ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ ވެރިކަމުގައި ތަރައްޤީކުރި މައިޒާންތަކާއި ޕާކުތައް މިސަރުކާރުން ނުބަލަހައްޓާތީ ކުރީގެ ހައުންސިންގ މިނިސްޓަރު ,މާލެ ސިޓީ މޭޔަރު ކަމަށް ވެސް ވާދަ ކުރައްވާ ޑރ. މުޙައްމަދު މުޢިއްޒު ކަންބޮޑުވުން ފާޅުކުރައްވައިފިއެވެ.
ރައީސް ޔާމީންގެ ސަރުކާރުގައި ތަރައްޤީކުރި ހިއްތަން މައިޒާނުގެ ފޮޓޯއަކާއެކު ޑރ. މުޢިއްޒު ކުރެއްވި ޓްވީޓެއްގައި ވިދާޅުވެފައި ވަނީ، ހިއްތަން މައިޒާނުގެ އުނދޯލީގެ ފުރާޅުގެ ފަންތައް ވީރާނާވެގެން ފައިބާފައިވާ ކަމަށެވެ.
"މިތަން ފެންނަ ލޮލެއް، ސިޓީ ކައުންސިލުގައި ނޫނީ ސަރުކާރުގައި ހުރިހެން ހިއެއް ނުވޭ. މާލެ ތެރޭގައި ހަދާފައިވާ ޕާކުތަކާއި މައިޒާންތައް ބެލެހެއްޓުމަށް ކުރީ ސަރުކާރުން ދިން ސަމާލުކަން އަނބުރާ އިޔާދަ ކުރަން ޖެހޭ" ޑރ. މުޢިއްޒު ވިދާޅުވެފައިވެއެވެ.
ހިއްތަން މައިޒާން ތަރައްޤީ ކޮށްފައިވަނީ ދާރުލް އާސާރު ކައިރީގައެވެ.
Ads by STO
