އެންމެ ރަނގަޅު ގޮތަކީ އާންމު ހާލަތަކަށް ރުޖޫއަވުމަށް ފަހު އިންތިހާބު ބޭއްވުން: އީސީ ޝަރީފް
މި ހާލަތަށް ބަލާއިރު އެންމެ ރަނގަޅުގޮތަކީ އާންމު ހާލަތަށް ރުޖޫއަވުމަށް ފަހު ލޯކަލް ކައުންސިލް އިންތިޚާބު ބޭއްވުން ކަމުގައި އިލެކްޝަންސް ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެއެވެ.
ޝަރީފް މިހެން ވިދާޅުވެފައިވާއިރު އާންމު ސިއްހަތުގެ ކުއްލި ނުރައްކަލުގެ ހާލަތު އުވާނުލިޔަސް ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީގެ ކޮމިޓީތަކުގެ އިންތިހާބު ބޭއްވޭ ގޮތަށް ވަގުތީ ގާނޫނަށް އިސްލާހު ގެނައުމުގެ ބިލް މަޖިލީހުން ވަނީ މިއަދު ފާސްކޮށްފައެވެ.
"ސީއެންއެމް"އަށް ދިން އިންޓަވިއުއެއްގައި ޝަރީފް ވިދާޅުވީ އިލެކްޝަންސް ކޮމިޝަނަށް ބޮޑަށް ބުރަވެވެނީ އާންމު ހާލަތަށް ރުޖޫއަވުމަށް ފަހު އިންތިހާބު ބޭއްވުމީ އެންމެ ރަނގަޅު ގޮތް ކަމަށެވެ.
އަދި މިހާރު ކުރިމަތިވެފައިވާ އެންމެ ބޮޑު ހުރަހަކީ އެއީ ކަމުގައި ފާހަގަކުރައްވާ ޝަރީފް ވިދާޅުވީ އާންމު ހާލަތަށް ރުޖޫއަވުމުން މިހާރު ކުރިމަތިވެފައިވާ އެތައް ހުރަސްތަކަށް ހައްލު ލިބިގެންދާނެ ކަމަށެވެ.
އަދި އޭރުން ހުރިހާ ޕާޓީތަކަށް ވެސް ކެމްޕެއިނު ކުރުމަށް ހަމަހަމަ ފުރުސަތުތައް ލިބިގެންދާނެ ކަމަށް ޝަރީފް ވިދާޅުވިއެވެ.
މިއަދު ފާސްކުރި ބިލުގައި ގާނޫނު އިސްލާހުކުރާތާ ހަތް ދުވަހުގެ ތެރޭގައި އިންތިހާބު ބޭއްވުމުގެ މަސައްކަތް އީސީން ފަށަން ޖެހޭނެ ކަމަށް ވަނީ ބަޔާން ކޮށްފައެވެ.
އަދި އިންތިހާބުގެ ކަންކަން ފެށުމަށް އީސީން ކަނޑައަޅާ ތާރީހުން ފެށިގެން ހަތް ދުވަހުގެ ތެރޭގައި ޑިރެކްޓާ ޖެނެރަލް އޮފް ޕަބްލިކް ހެލްތު ކަނޑައަޅާ ފިޔަވަޅުތަކާއި އުސޫލުތައް އެކުލަވާލައި ،އާއްމު ކުރަން ވާނެ ކަމަށް އިސްލާހުގައި ވަނީ ހިމަނައިފައެވެ.
އެ ބިލު ފާސްކޮށްފައި ވަނީ ވޯޓުގައި ބައިވެރިވެވަޑައިގެންނެވި 38 މެންބަރުންގެ އިއްތިފާގުންނެވެ. ވަގުތީ ގާނޫނުގައި ބުނާ ގޮތުން މި އަހަރުގެ މެއި މަހުގެ 10 ވަނަ ދުވަހުގެ ކުރިން އިންތިހާބު ބާއްވަން ޖެހެއެވެ.
ނުބާއްވާނެ