ދާންދޫން އެއް އަހަރުގެ ކުއްޖަކު ފައްސިވެއްޖެ
ގއ ދާންދޫން އެއް އަހަރުގެ ކުޑަކުއްޖެއް ކޮވިޑު-19 އަށް ފައްސިވެ، މިހާރު މިކުއްޖާ ގއ.ވިލިނގިލީގައި ހުންނަ ކޮވިޑު ފެސިލިޓީއަށް ގެންދިއުމުގެ މަސައްކަތް ފަށައިފިއެވެ.
މި ކުއްޖާ ކޮވިޑު-19 އަށް ފައްސިވެފައިވާކަން އެނގިފައިވަނީ މިއަދުއެވެ. މިކަމާ ގުޅިގެން ދާންދޫ ކައުންސިލްގެ ރައީސް އިސްމާއިލް މުހައްމަދު ވަގުތަށް މައުލޫމާތު ދެއްވަމުން ވިދާޅުވެފައިވަނީ، އެއް އަހަރުގެ މި ކުޑަކުއްޖާ ފައްސިވުމާއެކު ދާންދޫއިން މި ބައްޔަށް ފައްސި ވެފައިވާ މީހުންގެ އަދަދު ޖުމުލަ 11 އަށް އަރައިފިކަމުގައެވެ.
މީގެ އިތުރުން އިއްޔެ އެރަށުން ފައްސިކަމަށް ބުނި ކޭސް ކަށަވަރުވެފައި ނުވާ ކަމަށާއި، ނަމަވެސް މިހާރު ފައްސި ކޭސްއެއްކަން ކަށަވަރު ކުރެވޭ ކަމުގައި ވެސް އޭނާ ވިދާޅުވެފައިވެއެވެ. އެއީ އުމުރުން 46 އަހަރުގެ އަންހެނެކެވެ. މިއަދު ފައްސިވީ އެއް އަހަރުގެ ކުޑަކުއްޖެކެވެ.
ގއ ދާންދޫއިން މިހާރު ފައްސިވަމުން އަންނަނީ ގއ ދެއްވަދޫ ކްލަސްޓާއާ ގުޅޭ ކޭސްތަކެވެ.
Ads by STO
