އައްޑޫ އިކުއިޓޯރިއަލް ހޮސްޕިޓަލުގެ ގަވަރނިންގ ބޯޑު އެކުލަވާލައިފި
އައްޑޫ އިކުއިޓޯރިއަލް ހޮސްޕިޓަލުގެ ގަވަރނިންގ ބޯޑު ރައީސް އިބްރާހީމް މުޙައްމަދު ޞާލިޙް އެކުލަވައިލައްވައިފިއެވެ.
އައްޑޫ އިކުއިޓޯރިއަލް ހޮސްޕިޓަލުގެ ގަވަރނިންގ ބޯޑަކީ އައްޑޫ އިކުއިޓޯރިއަލް ހޮސްޕިޓަލާއި، މީދޫ ޞިއްޙީ މަރުކަޒާއި، މަރަދޫ ޞިއްޙީ މަރުކަޒާއި، ފޭދޫ ޞިއްޙީ މަރުކަޒާއި، ހުޅުދޫ ޞިއްޙީ މަރުކަޒުހިންގުމުގެ ކަންކަން ބެލެހެއްޓުމަށް އުފައްދަވާފައިވާ ބޯޑެކެވެ.
އައްޑޫ އިކުއިޓޯރިއަލް ހޮސްޕިޓަލުގެ ގަވަރނިންގ ބޯޑުގައި ހިމެނޭ ބޭފުޅުންނަކީ އަޙްމަދު ޒާހިރު / މާހީ، ސ. ހިތަދޫ، ޑރ. މުޙައްމަދު ސޯލިޙް / ކުއްޅަވައްގެ، ސ. ހުޅުދޫ، ޑރ. ޢަލީ ނަޒީމް / މއ. އެލީޒިއަމް، އާމިނަތު ޝާއިނާ ޢަބްދުﷲ / ގ. ޕޫލްކިނާރާ، އާމިނަތު މުޙައްމަދުދީދީ / ބަންޑާރަދަޑިގެ، ސ. މީދޫ، ޒާހިދާ އިބްރާހީމް / ޢަސްރުމާގެ، މާދަޑު، ޏ. ފުވައްމުލައް، އަދި ޢަބްދުﷲ ސޯދިގު / ކައުސަރު، ސ. ހިތަދޫ އެވެ.
މި ބޯޑުގެ ޗެއާޕާސަންގެ މަގާމަށް އައްޔަންކުރައްވާފައި ވަނީ އަހުމަދު ޒާހިރެވެ.
