ލޯބިވެރިޔާ ބޭވަފާތެރިވީ ކަން އެނގުމުން ދަތުރުކުރަމުންދިޔަ ފްލައިޓުގެ ކުޑަދޮރު ތަޅާލައިފި
ލޯބިވެރިޔާ ބޭވަފާތެރިވީކަން އެނގުމުން 30،000 މީޓަރު ދަތުރުކުރަމުން ދިޔަ ފްލައިޓުގެ ކުޑަދޮރު ތަޅާލަން މަސައްކަތް ކޮށްފިއެވެ.
29 އަހަރުގެ ޗައިނާ އަންހެންމީހާ އޭނާ ދަތުރުކުރަމުން ދިޔަ އެއާބަސް ގެ ކުޑަދޮރު ތަޅާލަން މަސައްކަތް ކޮށްފައިވަނީ މަސްތުގެ ހާލަތުގައި ހުރެ ކަމުގައި ރިޕޯޓުތައް ބުނެއެވެ. ކުޑަދޮރުގެ ބިއްލޫރިގަނޑުގައި ރެނދެއްލާ ފްލައިޓުވަނީ އެމަޖެންސީ ގައި ލޭންޑުކޮށްފައެވެ.
މި ހާދިސާ ގެ ވީޑިއޯ މިހާރު މީސް މީޑިއާ ގައި ދައުރުވަމުން އަންނައިރު، ވީޑިއޯ އިން ފެންނަ ގޮތުގައި ފްލައިޓުގެ ކްރޫ އިން ރޯން އިންނަ އަންހެނަކު ހުއްޓުވަން މަސައްކަތް ކުރާތަން ފެނެއެވެ. އަދި އެމީހާގެ ރުއިން ކޮންޓްރޯލް ވެ ދެން ފެންނަނީ ފްލައިޓުގެ ކުޑަދޮރަށް ހަމަލާދޭތަނެވެ.
ޕޮލިސް ސްޓޭޓްމަންޓުގައި ވާ ގޮތުން މި އަންހެންމީހާ ދަތުރުކުރަމުން ދިޔައީ ޗައިނާ ގެ ޒިނިން އިން ޗައިނާ ގެ ޔަންޗެން އަށެވެ. މި އަންހެން މީހާ މިހާރު ފުލުހުންގެ ބެލުމުގެ ދަށުގައި ހުރިއިރު ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
Ads by STO
