Friday, 20 November 2026
Advertisement
HDC — Share-Below (leaderboard)
ޚަބަރު

ޗައިނާގެ "ޕެޗީ"އިން ދިވެހި ރުފިޔާއިން ވިޔަފާރިކުރެވޭ ގޮތް ހަދައިފި

ޗައިނާގެ އީ-ކޮމާސް މަންސައެއް ކަމަށްވާ "ޕެޗީ" އިން ދިވެހި ރުފިޔާ ބޭނުންކޮށްގެން މުދަލަށް ފައިސާ ދެއްކޭނެ އިންތިޒާމު ހަމަޖައްސައިފިއެވެ.

ޗައިނާގެ "ޕެޗީ"އިން ދިވެހި ރުފިޔާއިން ވިޔަފާރިކުރެވޭ ގޮތް ހަދައިފި

ޗައިނާގައި މަގުބޫލުވަމުން އަންނަ އީ-ކޮމާސް ޕްލެޓްފޯމެއް ކަމަށްވާ "ޕެޗީ" މެދުވެރިކޮށް ދިވެހި ރުފިޔާ ބޭނުންކޮށްގެން ތަކެތި ގަނެވޭނެ އިންތިޒާމު އެ ކުންފުނިން މިހާރު ވަނީ ހަމަޖައްސާފައެވެ. މީގެ ސަބަބުން ޑޮލަރުގެ ލިމިޓަށް ބެލުމެއް ނެތި، ރާއްޖޭގެ ބޭންކް ކާޑުތަކުން ފަސޭހަކަމާއެކު އޮންލައިންކޮށް ވިޔަފާރިކުރެވޭނެއެވެ.

މި މަންސައަކީ ފެންވަރު ރަނގަޅު ދަބަހާއި، ފައިވާނާއި، އެކި ބާވަތުގެ އިލެކްޓްރޯނިކްސް ސާމާނު އަދި ގެޖެޓުތައް ހެޔޮ އަގުގައި ވިއްކާ ތަނެކެވެ. ޕެޗީއިން ބުނާ ގޮތުގައި އެ ތަނުން ވިއްކާ ތަކެއްޗަކީ އަގާ ބަލާއިރު ކޮލިޓީގެ ގޮތުން އިތުބާރު ހިފޭ އުފެއްދުންތަކެކެވެ.

ޕެޗީގެ ވެބްސައިޓުގައިވާ ގޮތުން، އޯޑަރު ކުރާ މުދާ 10 ދުވަހާއި 15 ދުވަހާ ދޭތެރޭގެ މުއްދަތެއްގައި ކަސްޓަމަރުންނަށް ޑެލިވާކޮށްދޭނެއެވެ. އަދި ވެބްސައިޓުގައި ފެންނަން ހުންނަ އަގުތަކަކީ ޑެލިވަރީ ފީ ވެސް ހިމަނައިގެން ތައްޔާރުކޮށްފައިވާ އަގުތަކެއް ކަމުން، މުދަލުގެ ޖުމްލަ އަގުގެ އިތުރުން އެއްވެސް ފީއެއް ނުނަގާނެ ކަމަށް އެ ކުންފުނިން ބުނެއެވެ.

ރާއްޖެއަށް މުދާ ގެނައުމާއި ޑެލިވަރީގެ ހިދުމަތް ޕެޗީއިން ފޯރުކޮށްދެނީ ރާއްޖޭގެ ލޮޖިސްޓިކްސް ކުންފުންޏެއް ކަމަށްވާ "ރެޑް ބޮކްސް" އާ ގުޅިގެންނެވެ. މިއީ އިތުބާރާއެކު އަވަހަށް މުދާ ފޯރުކޮށްދިނުމަށް އެޅި ފިޔަވަޅެއް ކަމަށް އެ މަންސައިން ފާހަގަކުރެއެވެ.

އަމިއްލަ ކުންފުންޏަކުން ރުފިޔާއިން ވިޔަފާރިކުރެވޭނެ މަގު ފަހިކޮށްދީފައިވާއިރު، ރާއްޖެއާއި ޗައިނާއާ ދެމެދު ކުރެވޭ ވިޔަފާރީގެ މުއާމަލާތްތައް ދެ ގައުމުގެ ފައިސާއިން ހިންގޭނެ އިންތިޒާމު ހަމަޖެއްސުމަށް ސަރުކާރުން ވެސް އަންނަނީ މަސައްކަތް ކުރަމުންނެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.