ކޮވިޑް-19 އަށް ފައްސިވެފައިވާ މީހުން ކައުންސިލް އިންތިޚާބުގައި ވޯޓް ލާނެ ގޮތުގެ އުސޫލު އާއްމުކޮށްފި
ކޮވިޑް-19 އަށް ފައްސިވެފައިވާ މީހުން ކައުންސިލް އިންތިޚާބުގައި ވޯޓް ލާނެ ގޮތުގެ އުސޫލު އާއްމު ކޮށްފިއެވެ.
"ކޮވިޑް-19 ގެ ހާލަތުގައި ރައްކައުތެރިކަމާއެކު ލޯކަލް ކައުންސިލްތަކުގެ އިންތިޚާބު ކުރިޔަށް ގެންދިއުމުގައި ޢަމަލުކުރަންވ ގޮތުގެ އުސޫލު" ގެ ނަމުގައި އެޗްޕީއޭއިން އާއްމުކޮށްފައިވާ އުސޫލުގައި ބުނާ ގޮތުން، ކޮވިޑް-19 އަށް ފައްސިވެފައިވާ މީހުން ވޯޓުލުމަށް އެހެން މީހުންނާ އެކު ނުވާ ގޮތަށް ވަކި ވެހިކަލެއްގައި ރައްކައުތެރިކަމުގެ ފިޔަވަޅުތަކާއެކު ވޯޓުލާ މަރުކަޒަށް، ހެލްތް ޕްރޮޓެކްޝަން އެޖެންސީގެ ހުއްދަޔާއެކު އަންނަން ޖެހެއެވެ. ނުވަތަ ކަމާ ގުޅޭ އިދާރާތައް ގުޅިގެން އެކަމުގެ އިންތިޒާމް ހަމަޖެއްސަން ޖެހެއެވެ.
މީގެ އިތުރުން، އެފަދަ މީހުން ވޯޓުލުމަށް ވަކި ތަނެއް ނުވަތަ ވޯޓުލާން އައުމަށް ވަކި ގަޑިއެއް ހަމަޖައްސަން ޖެހެއެވެ.
ހަމައެކާއެކު، ކޮވިޑް-19 އަށް ފައްސިވެފައިވާ މީހާ ހުރިހާ ވަގުތެއްގައިވެސް މާސްކު އެޅުމާއި، އެހެން މީހުންނާ މަދުވެގެން 3 ފޫޓުގެ ގައިދުރުކަން ބެހެއްޓުމާއި، ސެނިޓައިޒަރ ބޭނުންކޮށްގެން ދޭތެރެދޭތެރެއިން އަތް ސާފުކުރަން ކުރަންޖެހެއެވެ.
އެޗްޕީއޭގެ ފަރާތުން މި އުސޫލު އެކުލަވާލައިފައި ވަނީ އެންމެ ފަހުން ރައްޔިތުންގެ މަޖިލީހުން ލޯކަލް ކައުންސިލްގެ އިންތިހާބުގެ ހާއްސަ ޤާނޫނަށް ގެނައި އިސްލާހާއެކު، އިންތިހާބުގެ ކެމްޕޭނާއި، އަދި އިންތިހާބުގެ ކަންކަން ކުރިއަށްދާނެގޮތް ނިންމުގެ ބާރު އެޗްޕީއޭއަށް ދިނުމާ ގުޅިގެންނެވެ.
ކައުންސިލް އިންތިހާބު ބޭއްވުމަށް ނިންމާފައި ވަނީ އޭޕްރީލް މަހުގެ 10 ވަނަ ދުވަހުއެވެ.
Ads by STO
