Wednesday, 18 November 2026
Advertisement
STO — McCoy (leaderboard)
ދުނިޔެ

އިންޑިއާ-އާސިއާން ގުޅުމަކީ 'އެކްޓް އީސްޓް' ސިޔާސަތުގެ މައިބަދަ: މޯދީ

އާސިއާން ސަމިޓުގައި ބައިވެރިވެވަޑައިގަތުމަށް ފިލިޕީންސަށް ކުރައްވާ ދަތުރުފުޅުގެ ކުރިން، އާސިއާން ގައުމުތަކަކީ އިންޑިއާގެ ޚާރިޖީ ސިޔާސަތުގެ މައިގަނޑު އަސާސް ކަމަށް މޯދީ ވިދާޅުވެއްޖެއެވެ.

އިންޑިއާ-އާސިއާން ގުޅުމަކީ 'އެކްޓް އީސްޓް' ސިޔާސަތުގެ މައިބަދަ: މޯދީ

އިންޑިއާއާއި ދެކުނު އިރުމަތީ އޭޝިއާގެ ގައުމުތަކުގެ ޖަމިއްޔާ (އާސިއާން) އާ ދެމެދު އޮތް ގުޅުމަކީ އެ ގައުމުގެ 'އެކްޓް އީސްޓް' ސިޔާސަތާއި 'މަހާސާގަރު' ތަސައްވުރުގެ އެންމެ މުހިންމު ބައި ކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެއެވެ.

ފިލިޕީންސްގެ މެނީލާގައި ބާއްވާ 23 ވަނަ އާސިއާން-އިންޑިއާ ސަމިޓާއި 21 ވަނަ އީސްޓް އޭޝިއާ ސަމިޓުގައި ބައިވެރިވެވަޑައިގަތުމަށް ފުރާވަޑައިގަތުމުގެ ކުރިން މޯދީ ވިދާޅުވީ، ދެފަރާތުގެ ދެމެދުގައި އޮތީ އެތައް ގަރުނެއްވީ ތާރީޚީ ގުޅުމެއް ކަމަށެވެ. އަދި މި ގުޅުން މިހާރު ވިޔަފާރިއާއި، ގުޅުން ބަދަހިކުރުމާއި، ކަނޑުގެ ސަލާމަތާއި، ޓެކްނޮލޮޖީގެ އިތުރުން ދެ ގައުމުގެ ރައްޔިތުންގެ މެދުގައި އޮންނަ ގުޅުމުގެ މައްޗަށް ބިނާވެފައިވާ ވަރުގަދަ ބައިވެރިވުމަކަށް ބަދަލުވެފައިވާ ކަމަށް އެމަނިކުފާނު ފާހަގަކުރެއްވިއެވެ.

މޯދީ ވިދާޅުވީ އީސްޓް އޭޝިއާ ސަމިޓަކީ ސަރަހައްދީ އަދި ދުނިޔޭގެ ގޮންޖެހުންތަކާ މެދު މަޝްވަރާ ކުރުމަށް ލިބޭ މުހިންމު ފުރުސަތެއް ކަމަށެވެ. އަދި އިންޑޯ-ޕެސިފިކް ސަރަހައްދުގައި ސުލްހައާއި ހަމަޖެހުން ގާއިމުކުރުމާ ގުޅޭގޮތުން އެހެން ލީޑަރުންނާ ޚިޔާލު ބަދަލުކުރެއްވުމަށް އުންމީދު ކުރައްވާ ކަމަށްވެސް ވިދާޅުވިއެވެ. މީގެ އިތުރުން، ފިލިޕީންސްގައި ދިރިއުޅޭ އިންޑިއާގެ ރައްޔިތުންނާ ބައްދަލުކުރެއްވުމަށް ވެސް ބޮޑުވަޒީރު ވަނީ ނިންމަވާފައެވެ.

އާސިއާން އުފެދިފައިވަނީ 8 އޮގަސްޓް 1967 ގައި ތައިލެންޑުގެ ބެންކޮކްގައެވެ. ފުރަތަމަ މި ޖަމިއްޔާގައި ހިމެނުނީ އިންޑޮނޭޝިއާ، މެލޭޝިއާ، ފިލިޕީންސް، ސިންގަޕޯ އަދި ތައިލެންޑެވެ. އޭގެ ފަހުން 1984 ގައި ބުރުނާއީ، 1995 ގައި ވިއެޓްނާމް، 1997 ގައި ލާއޯސް އަދި މިޔަންމާ، 1999 ގައި ކެމްބޯޑިއާ މި ޖަމިއްޔާއާ ގުޅުނެވެ. އެންމެ ފަހުން 26 އޮކްޓޫބަރު 2025 ގައި ޓިމޯ-ލެސްޓޭ ގުޅުމާއެކު ޖަމިއްޔާގެ މެންބަރު ގައުމުތަކުގެ އަދަދު ވަނީ 11 އަށް އަރާފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.