Saturday, 21 November 2026
Advertisement
Ooredoo — Airfibre (leaderboard)
ޚަބަރު

ރަސްމީ ދަތުރުފުޅެއްގައި ރައީސް ބަންގްލަދޭޝް އަށް ވަޑައިގަންނަވަނީ

ރަސްމީ ދަތުރުފުޅެއްގައި ރައީސް ބަންގްލަދޭޝް އަށް ވަޑައިގަންނަވަނީ

ބަނގުލަދޭޝްގެ ބޮޑުވަޒީރު  ތޯރިގު ރަހުމާންގެ ދައުވަތަކަށް ރައީސް މުއިއްޒު އަންނަ މަހު އެ ގައުމަށް ވަޑައިގަންނަވަން ނިންމަވައިފިއެވެ.

ބަނގުލަދޭޝްގެ ނޫހެއް ކަމަށްވާ "ޑެއިލީ ޓައިމްސް ބަނގުލަދޭޝް"އިން ރިޕޯޓްކޮށްފައިވާ ގޮތުގައި ރައީސް މުއިއްޒު އެ ގައުމަށް ވަޑައިގަންނަވާނީ އަންނަ މަހުގެ 13ވަނަ ދުވަހު ތިން ދުވަހުގެ ދަތުރުފުޅެއްގައެވެ.

ބަންގްލަދޭޝްގެ ލައްކައަކަށް ވުރެ ގިނަ ރައްޔިތުން ރާއްޖޭގައި މަސައްކަތް ކުރަމުންދާއިރު އެ މީހުންގެ ހައްގުތައް ރައްކާތެރިކޮށް ވަޒީފާތަކުގެ ފުރުސަތުތައް އިތުރަށް މަގުފަހިކޮށްދިނުމާ ގުޅޭ ގޮތުން މަޝްވަރާކުރާނެ ކަމަށްވެސް ބަނގުލަދޭޝްގެ ނޫހުން ރިޕޯޓްކުރިއެވެ.

ރައީސް މުއިއްޒުގެ ދަތުރުފުޅާ ގުޅޭ ގޮތުން ރައީސް އޮފީހުން އަދި ވަކި އެއްޗެއް ނުބުނެއެވެ.

ރައީސް މުއިއްޒު މި މަހު ކޮޕް 31ސަމިޓާއި އަންތާލިޔާ ލީޑާސް ސަމިޓުގައި ބައިވެރިވެވަޑައިގަތުމަށް ރައީސް ތުރުކީވިލާތަށް މި މަހުގެ ކުރެއްވި ދަތުރުފުޅުގެ ތެރެއިން ވެސް ބަންގްލަދޭޝްގެ ބޮޑުވަޒީރާ ބައްދަލުކުރެއްވިއެވެ. އަދި މިދިޔަ ފެބްރުއަރީ މަހު ބޮޑުވަޒީރު ހުވާކުރުމުގެ ރަސްމިއްޔާތަށް ވެސް ބަންގްލަދޭޝްއަށް ރައީސް މުއިއްޒު އެ ގައުމަށް ވަޑައިގަންނަވައި ބޮޑުވަޒީރާ ބައްދަލުކުރެއްވިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.