އައްޑޫ ކްލަސްޓާ: ހިތަދޫން އިތުރު ދެ މީހުން ފައްސިވެއްޖެ

އައްޑޫ ސިޓީ ހިތަދޫން އިތުރު ދެ މީހަކު ކޮވިޑް-19 އަށް ފައްސިވެއްޖެއެވެ.

Ads by Hajj Corporation

އެއާއެކު ހިތަދޫ ކްލަސްޓާއިން ފައްސިވި މީހުންގެ އަދަދު ވަނީ 7 އަށް އަރާފައެވެ. އެއީ ސ. ހިތަދޫން ފައްސިވި ފަސް މީހުންނާއި ސ. ފޭދޫން ފައްސިވި އެކަކާއި ގދ. ތިނަދޫ އިން ފައްސިވި އެކަކެވެ.

މި ކްލަސްޓަރގައި ހިތަދޫން އިއްޔެ ފުރަތަމަ ފައްސިވީ ކަރަންޓީންގައި ނެތް ދެ މީހެކެވެ. އެ މީހުން ފައްސިކަން އެނގުނީ ފްލޫ ކްލިނިކަށް ދެއްކުމުންނެވެ. އެއާޕޯޓުގައި މަސައްކަތް ކުރާ އެ ދެމީހުން ފައްސިވުމާ ގުޅިގެން މިހާރު އެ ސިޓީއަށް އަރާ ފޭބުން ވަނީ މަނާ ކޮށްފައެވެ.

އައްޑޫސިޓީ ގައި ކޮވިޑް-19 ފެތުރެން ފަށާފައި ވަނީ ހާއްސަ ހުއްދައިގެން ދަށުން މާލެ ފުރައިގެން އައްޑޫ އަށް އައި މީހެއްގެ ފަރާތުންނެވެ.