ކަންކަން ކުއްލިއަކަށް ހަރާމްކޮށްފި ނަމަ ގައުމު ރޫޅޭނެ: ރައީސް ނަޝީދު
އާންމު ދިރިއުޅުމުގައި ހިނގާ ކަންކަން ކުއްލިއަކަށް ހަރާމް ކުރާނަމަ، ގައުމު ރޫޅިގެން ހިނގައިދާނެ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މާލޭގައި ޒުވާނުން ހިތްފަސޭހަ ކޮށްލައި މުނިއަވަސް ފިލުވައި ހާސްކަމެއް ނެތި މަޖާކޮށް މިއުޒިކު ކުޅެ މިއުޒިކު އަޑުއަހައި ނަށާލާނެ މަރުކަޒެއް ޤާއިމު ކުރުމަށް ގޮވައިލާ ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާ މެންބަރު ޙަސަން ލަޠީފު ހުށަހެޅުއްވި ޤަރާރަށް ބަހުސް ކުރަން ހުޅުވާލުމުގެ ކުރިން ރިޔާސަތުގައި އިންނަވާ ރައީސް ނަޝީދު ވިދާޅުވީ، އާންމު ދިރިއުޅުމުގެ އެކި އާދަކާދަތައް އެތައް ސަތޭކަ އަހަރު ފަހުން ކުއްލިއަކަށް ޙަރާމްކޮށްފި ނަމަ އެ މިސްރާބު ޖަހަނީ މުޅި ގައުމު ރޫޅާލަން ކަމަށެވެ.
"އަޅުގަނޑު ދެކޭ ގޮތުގައި އަޅުގަނޑުމެންގެ އާންމު ދިރިއުޅުން އެއީ ކުއްލިއަކަށް ޙަރާމް ދިރިއުޅުމަކަށް ބަދަލުވެއްޖެނަމަ، އެތައް ސަތޭކަ އަހަރެއް ފަހުން، ދިވެހި އުއްމަތް ރޫޅިގެން ދާނެ ގޮތް އަޅުގަނޑުމެން ވިސްނާލަން ޖެހޭނެ،" ރައީސް ނަޝީދު ވިދާޅުވިއެވެ.
ރައީސް ނަޝީދު މިހެން ވިދާޅުވެފައި މިވަނީ، މިއުޒިކަކީ ހަރާމް އެއްޗެއް ކަމަށް ބުނެ ގިނަ އިލްމުވެރިން މަޖިލިސް މެންބަރުންނަށް ރައްދު ދީ، މި ގަރާރާ މެދު ކަންބޮޑުވުން ފާޅު ކުރަމުން އަންނާތީއެވެ.
މުސްލިމު ޤައުމެއްގެ ސަރުކާރުން ކުރަން ކޮންމެހެން ޖެހެނީ ކްރިސްޓިއަނުންގެ ޢީދުމީލާދު ފާހަގަ ކުރަން ފުރުސަޠު ދިނުމާއި، އެއްޖިންސުން ކައިވެނިކޮށް ދިނުމާއި، އުފަން ދަރިންނާއި މައިން ބަފައިން ޖިންސީ އަމަލު ހިންގަން ކަންކަން ފަހިކޮށް ދިނުން ކަމުގައިވާނަމަ ތިއޮތީ ސަދޫމުގެ ޙާލަތުގައި.
ކަންކަން ކުއްލިއަކަށް ހަރާމްކޮށްފި ނަމަ ގައުމު ރޫޅޭނެ: ރައީސް ނަޝީދު
ކަންކަމުގެ ޙަލާލާ ޙަރާމަ ވަނީ މީގެ1400އަހަރުގެ ކުރިން މީސްތަކުންނަށް އަންގަވާދެއްވާފަ. މިކަލޭގެ މިއުޅެނީ މީހުންނަށް އޮޅުވާލައި މަކަރުން މީހުން މަގޔފުރައްދާށެވެ.
ާް ރާއްޖޭގައި ރާވިއްކުން ހަލާލު، ބަގުރާ ހަލާލު،�