ބަނގުރާ ފުޅި ތަކަކާއެކު މާލެއިން މީހަކު ހައްޔަރު ކޮށްފި

ބަނގުރާ ފުޅި ތަކަކާއެކު މާލެއިން މީހަކު ހައްޔަރު ކޮށްފިއެވެ.

ޗާންދަނީ މަގު ބްލިންކްސް ކުރިމައްޗަށް ބަނގުރާ ފުޅިތަކެއް ވެއްޓިފައިވާ މަންޒަރު ފެންނަ ފޮޓޯތަކެއް މީސްމީޑިއާގައި ދައުރުވަމުން ދާއިރު، މަންޒަރު ދުށް މީހަކު "ދެން"އާ ވާހަކަ ދައްކަމުން ބުނީ އެއީ ސައިކަލެއްގައި އައި ބައެއްގެ އަތުން މަގުމައްޗަށް ވެއްޓުނު ފުޅިތަކެއް ކަމަށެވެ. އެގޮތުން ފުލުހުން އެމީހުން ހުއްޓުވަން މަސައްކަތް ކުރުމުގެ ތެރޭގައި އެމީހުން ސައިކަލާއެކު ވެއްޓުނީ ކަމަށް ނަން ނުޖެހުމަށް ޝަރުތު ކޮށް އެމީހާ މައުލޫމާތު ދިނެވެ.

މީގެ އިތުރުން ފުލުހުންގެ ބެލުމުގެ ދަށަށް އެތަނުން މީހަކު ގެންގޮސްފައިވާ ކަމަށް ވެސް އޭނާ ބުންޏެވެ. މީސްމީޑީއާގައި ދައުރުވާ ފޮޓޯތަކުގައި ފެންނަނީ ފޮށިގަނޑެއް މަގުމައްޗަށް ވެއްޓި އޭގައި ހުރި ބަނގުރާ ފުޅިތަކެއް މަގުމައްޗަށް ވެއްޓިފައިވާ މަންޒަރެވެ.

އެ ސަަރަހައްދުގައި ފުލުހުން މިހާރު ހަރަކާތްތެރިވަމުން އަންނައިރު މިކަމާ ގުޅޭ ގޮތުން ފުލުހުންގެ ބަހެއް އަދި ވަނީ ލިބޭ ގޮތް ނުވެފައެވެ.