އިނގިރޭސިވިލާތުގެ އައިއެސް އަންހެނަކު އެނބުރި ޤައުމަށް ދާން ހުއްދައެއް ނުދިން
އިސްލާމިކް ސްޓޭޓް (އައިއެސް) ގެ އަންހެނަކު އެނބުރި އޭނާގެ ޤައުމު ކަމަށްވާ އިނގިރޭސިވިލާތަށް ދާން އެޤައުމުން ހުއްދައެއް ނުލިބުނެވެ.
ޝާމިމާ ބޭގަމް ނަމަކަށް ކިޔާ އެއަންހެން މީހާ ވަނީ އޭނާގެ އުމުރުން އެންމެ 15 އަހަރުގައި، އިނގިރޭސިވިލާތް ދޫކޮށް ސީރިއާއަށް އޭނާގެ ރައްޓެހިންތަކަކާއެކު ގޮސް އައިއެސް ޖަމާޢަތާ ގުޅިފައެވެ.
މިހާރު އުމުރުން 21 އަހަރު ފުރިފައިވާ ޝާމިމާ، އޭނާގެ އުފަން ޤައުމަށް އެނބުރި ދާން ބޭނުން ވަނީ، އޭނާއަކީ އިނގިރޭސިވިލާތުގެ ރަށްވެއްސެއް ކަމުން އޭނާ އައިއެސްއިން ކަނޑާލުމާ ގުޅިގެން ކަމަށެވެ.
އެގޮތުން އެނބުރި ޤައުމަށް ދާން ހުށަހެޅުމުން، އިނގިރޭސިވިލާތުގެ ސުޕްރީމް ކޯޓުގެ ފަސް ފަނޑިޔާރުން ވެސް ވަނީ އެކަމާ ދެކޮޅު ހަދައި، އެ ހުއްދަ އޭނާއަށް ނުދީފައެވެ.
ސްކައި ނިއުސް އިން ބުނެފައި ވަނީ، ޤައުމަށް އެނބުރިދާން ހުއްދަ ނުލިބުމުގެ ސަބަބުން ޝާމިމާ ހުރީ ވަރަށް ބޮޑަށް ރުޅިއައިސް، ހިތްހަމަ ނުޖެހިފައި ކަމަށް އޭނަގެ ބައެއް އެކުވެރިން ބުނެފައިވާ ކަމަށެވެ.
ޝާމިމާ ސީރިއާ އަށް ދިޔައީ ސްކޫލްގައި ކިޔަވަން އުޅެމުން އިތުރު ދެ އަންހެނަކާ އެއްކޮށެވެ. އޭނާއާއެކު ދިޔަ ދެ އަންހެނުން ވެސް މިހާރު ވަނީ މަރުވެފައި ކަމަށް ރިޕޯޓުތަކުން ބުނެއެވެ.
އިނގިރޭސިވިލާތުގެ ރަށްވެހިކަމުން އޭނާ ކަނޑާލާފައި ވަނީ 2019 ވަނަ އަހަރުގައެވެ. އޭރު އޭނާ ބަނޑުބޮޑުވެ، ބަނޑަށް ނުވަ މަހެވެ. ޝާމިމާ އަލުން އެނބުރި ދާން ބޭނުންވީ އެ ރަށްވެހިކަން އަނބުރާ ހޯދުމުގެ މަސައްކަތް ކުރުމަށް ކަމަށް ރިޕޯޓުތަކުން ބުނެއެވެ.
Ads by STO
