މިއަދު އެކަނިވެސް 31 މީހަކު ކޮވިޑަށް ފައްސި ވެއްޖެ

މިއަދު އެކަނިވެސް 31 މީހަކު ކޮވިޑް-19އަށް ފައްސި ވެއްޖެއެވެ.

Ads by STELCO

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މިއަދު ފައްސިވި 31 މީހުންގެ ތެރޭގައި ހިމެނެނީ 22 ދިވެހިންނާއި، ބަންގްލަދޭޝްގެ 8 މީހަކާއި އިންޑިއާ މީހެއް ކަމަށެވެ.

މި 31 މީހުންނާއެކު މި ބައްޔަށް ރާއްޖެއިން ފައްސިވި މީހުންގެ އަދަދު މިހާރު ވަނީ 2762 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 444 މީހަކަށެވެ.

މިއަދު އިތުރު 6 މީހަކު ބަލިން ރަނގަޅުވެފައިވާއިރު، ބަލިން ރަނގަޅުވި މީހުންގެ ޖުމްލަ އަދަދު ވަނީ 2290 އަށް އަރާފައެވެ.

ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 13 މީހެކެވެ. އޭގެ ތެރޭގައި ހިމެނެނީ ހަތް ދިވެހީންނާއި، ހަ ބިދޭސީންނެވެ.