މާލޭގެ ތިން މިސްކިތަކުން ބަޔަކު ކޮވިޑަށް ފައްސިވެއްޖެ

މާލޭގެ ތިން މިސްކިތަކުން މީހަންތަކެއް ކޮވިޑް-19 އަށް ފައްސިވެއްޖެއެވެ.

Ads by STELCO

"ވަގުތު" ނޫހުގައި ރިޕޯޓުކޮށްފައިވާ ގޮތުގައި ކޮވިޑަށް ފައްސިވެފައި ވަނީ މަސްޖިދުލް ސުލްތާން ހަސަން އިއްޒުއްދީން މިސްކިތް (ތޮއިބާ މިސްކިތް) އާއި، މަސްޖިދުލް ސުލްތާން މުހައްމަދު އިމާދުއްދީން (މަޖިލިސް އިދާރާ ކައިރި ހުންނަ މިސްކިތް) އަދި މަސްޖިދުލް އަފީފުއްދީން (ދިއްލީ މިސްކިތް) ނެވެ.

ފައްސިވި މީހުން ޒިޔާރަތް ކޮށްފައިވާ މިސްކިތްތައް ބަންދުކޮށް އެމިސްކިތްތައް ޑިސްއިންފެކްޓް ކުރުމުގެ މަސައްކަތް މިހާރު ދަނީ ކުރަމުންނެވެ.

މިސްކިތްތަކަކުން ބަޔަކު ފައްސިވިކަން އެޗްއީއޯސީގެ ތަރުޖަމާނު ޑރ. ނަޒްލާ ރަފީގު ކަށަވަރުކޮށްދެއްވާފައިވާ ކަމަށް އެ ނޫހުގައި ވެއެވެ. އޭނާ ވިދާޅުވީ މިސްކިތްތައް ޑިސްއިންފެކްޓް ކުރުމުގެ މަސައްކަތް ނިމުމުން އަލުން މިސްކިތް ހުޅުވާނެ ކަމަށެވެ.