ހަދަމުންދާ ރިސޯޓެއްގައި މަސައްކަތްކުރާ ބިދޭސީންތަކެއް މުޒާހަރާކޮށް ހަމަނުޖެހުން ހިންގައިފި

ވ. އަތޮޅުގައި ހަދަމުންދާ ރިސޯޓެއްގައި މަސައްކަތްކުރާ ބިދޭސީންތަކެއް މުޒާހަރާކޮށް ހަމަނުޖެހުން ހިންގައިފިއެވެ.

Ads by Hajj Corporation

ފުލުހުން ބުނީ ހަދަމުންދާ ރިސޯޓެއްގައި މަސައްކަތް ކުރަމުންދާ ބިދޭސީ މަސައްކަތްތެރިންތަކެއް މަސައްކަތަށް ހުރަސްއަަޅާ އިހުތިޖާދުކޮށް ހަމަނުޖެހުން ހިންގަމުންދާތީ ފުލުހުން މިހާރު އެ ރަށުގައި ހަރަކާތްތެރިވަމުންދާ ކަމަށެވެ.

އެ ރަށުގައި ހިނގި ހަމަނުޖެހުމުގައި އެއްވެސް މީހަކަށް އަނިޔާއެއް ނުވާ ކަމަށް ފުލުހުން ބުންޏެވެ. ނަމަވެސް މި ހަމަނުޖެހުމުގައި އެމީހުންގެ ސުޕަވައިޒަރުގެ ރޫމަށް ގެއްލުންތަކެއް ދީފައިވާ ކަމަށެވެ.

ފުލުހުން ބުނީ މައްސަލަ ހައްލުކުރުމަށް އެމީހުންގެ ސްޕޮންސަރާއެެކު މިހާރު ވާހަކަދައްކަމުންދާ ކަމަށެވެ.