ކޮވިޑް ޖެހިގެން ފަރުވާ ހޯދަމުންދިޔަ އިންޑިއާ އާއިލާއެއްގެ ގެއަށް ވަގުން ވަދެ ވައްކަން ކޮށްފި!
ކަލްކަޓާގެ އާއިލާއެއްގެ ގިނަ މެންބަރުންތަކެއް ކޮވިޑް އަށް ފައްސިވެގެން ހޮސްޕިޓަލުގައި އެނދުމަތިކޮށް ފަރުވާ ދެމުން ދަނިކޮށް، ވަގުންތަކެއް އެގެއަށް ވަދެ ގެ ލޫޓުވާލައިފިއެވެ.
ފުލުހުން ބުނެފައިވަނީ ލައްކައިން އަގު ކުރެވޭ ގިނަ އަދަދެއްގެ ގަހަނާ އެގެއިން ވަގަށް ނަގާފައިވާ ކަމަށާއި 50،000 ރުޕީސް ވެސް ވަގަށް ނަގާފައިވާ ކަމަށެވެ.
އެހިސާބުގަނޑު މީހުން މައުލޫމާތު ދީފައިވާ ގޮތުގައި އެގެ މޮނީޓަރިންގެ ހާލަތުގައި އޮތް ނަމަވެސް، އެސަރަޙައްދު ބެލެހެއްޓުމަށް ފުލުހުންގެ އޮފިސަރެއް ވެސް ނުހުރެއެވެ.
ފުލުހުންގެ ސީނިއާ އޮފިސަރެއް ބުނިގޮތުގައި އެގެއިން ހަތަރު މެމްބަރަކު ކޮވިޑް ަށް ފައްސިވެފައިވާކަން އެނގިފައިވަނީ، އެގެއިން މީހަކު އެބަލީގައި މަރުވުމަށް ފަހުގައެވެ.
އެގެއިން ވައްކަން ކޮށްފައިވަނީ މިދިޔަ އާދީއްތަ ދުވަހު ކަމަށާއި ވައްކަން ކުރިއިރު އެގޭގައި ކުޑަ ކުއްޖަކު ނިދާފައި އޮތް ކަމަށް ވެސް ފުލުހުން ބުނެފައިވެއެވެ. ވައްކަން ކޮށްފިކަން އެނގުނީ އޭގެ އަނެއް ދުވަހުގެ ހެނދުނެވެ.
އިންޑިއާ ފުލުހުން މިހާރު ދަނީ އެވަގުންތައް ހޯދުމުގެ މަސައްކަތް ކުރަމުންނެވެ.
