ދިވެހި ޕްރިމިއާ ލީގު މާދަމާ ފަށަނީ

ކޮވިޑް 19 އިން ރައްކާތެރިވުމަށް އަޅާފައިވާ ހަރުކަށި ފިޔަވަޅުގެ ދަށުން ހުއްޓާލާފައި އޮތް ދިރާގު ދިވެހި ޕްރިމިއާ ލީގުގެ ކުޅުން މާދަމާ ފަށަން ތައްޔާރު ވެއްޖެއެވެ.
މިދިޔަ މަހު ތިން ވަނަ ދުވަހު ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ އެންގުމަށް މެދުކަނޑާލި ދިރާގު ދިވެހި ޕްރިމިއާ ލީގު މާދަމާ ފަށަން އެ އިދާރާ އިން ހުއްދަ ދީފައި ވަނީ މިއަދުގެ ވަގުތެއްގައެވެ.ފުޓުބޯޅަ އެސޯސިއޭޝަންގެ ރައީސް ބައްސާމް އަދީލް ޖަލީލް މިއަދު ކުރި ޓްވީޓެއްގައި ބުނެފައި ވަނީ މާދަމާ ޕްރިމިއާ ލީގު ފެށުމަށް ތައްޔާރުވެފައިވާ ކަމަށާއި މިނިސްޓަރު އަހުމަދު މަހުލޫފާއި ހެލްތު މިނިސްޓަރު އަހުމަދު ނަސީމަށް ޝުކުރު އަދާކުރައްވާ ކަމަށެވެ.
https://twitter.com/bassam_jaleei/status/1375000256509841410?s=21
ކޮވިޑް-19 ގެ ހާލަތު މާލޭ ސަރަހައްދުގައި ގޯސްވާން ފެށުމާއެކު ލީގު މެދުކަނޑާލީ މިދިޔަ ފެބްރުއަރީ މަހުގެ ތިންވަނަ ދުވަހުއެވެ. އެފްއޭއެމުން ވަނީ ލީގުގެ ޝެޑިއުލް މިއަދުގެ ވަގުތެއްގައި ކްލަބްތަކަށް ހިއްސާ ކުރާނެ ކަމަށް ބުނެފަ އެވެ.މިދިޔަ މަހު ދިވެހި ލީގު މެދުކަނޑާލިއިރު، ފުރަތަމަ ބުރުގެ ކުޅުން ނިމި، ދެވަނަ ބުރުގެ ބައެއް މެޗުތައް ވަނީ ކުޅެފައެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.