ނައިފަރަަށް ދަތުރުކުރި މީހުން ކަރަންޓީން ވާން އަންގައިފި
މިހާރު ކޮވިޑް-19 ފެނި، އަރާ ފޭބުން މަނާ ކޮށްފައިވާ ޅ. ނައިފަރަަށް 10 މާރިޗްގެ ފަހުން ދަތުރުކުރި މީހުން ކަރަންޓީން ވާން އަންގައިފިއެވެ.
އެޗްޕީއޭއިން މިއަދު ބުނީ މި މަހުގެ 10ގެ ފަހުން ޅ. ނައިފަރުގައި އުޅުމަށް ފަހު އަތޮޅުތެރޭގެ އެއްވެސް ރަށަކަށް ގޮސްފައިވާ މީހަކު ވާނަމަ ވީ އެންމެ އަވަހަކަށް އެރަށެއްގެ ހޮސްޕިޓަލް/ހެލްތް ސެންޓަރަށް އެންގުމަށް އެދޭ ކަމަަށެވެ. އަދި މި ތާރީހުގެ ފަހުން ނައިފަރަށް ގޮސްފައިވާ މީހަކު ނަމަ ނައިފަރުން އަނބުރާ ރަށަށް އައި ދުވަހުން ފެށިގެން 10 ދުވަސް ވަންދެން ކަރަންޓީނުގައި ތިއްބެވުމަށް ވަނީ އަންގާފައެވެ.
މީގެ އިތުރުން މި މުއްދަތުން ފެށިގެން 10 ދުވަސް ހަމަވެފައިވާ މީހުން ވެސް ސާމްޕަލްއެއް ނަގަައި ޓެސްޓް ކުރުމަށާއި އެ ރަށެއްގެ ހެލްތު ސެންޓަރުން ނުވަތަ ހޮސްޕިޓަލުން އެމީހުންގެ ސާމްޕަލް ނެގުމުގެ އިންތިޒާމު ހަމަޖައްސައިދޭނެ ކަމަށް ވަނީ އެޗްޕީއޭއިން ވަނީ ބުނެފައެވެ.މީގެ އިތުރުން މި މުއްދަތުން ފެށިގެން 10 ދުވަސް ހަމަވެފައިވާ މީހުން ވެސް ސާމްޕަލްއެއް ނަގަައި ޓެސްޓް ކުރުމަށާއި އެ ރަށެއްގެ ހެލްތު ސެންޓަރުން ނުވަތަ ހޮސްޕިޓަލުން އެމީހުންގެ ސާމްޕަލް ނެގުމުގެ އިންތިޒާމު ހަމަޖައްސައިދޭނެ ކަމަށް ވެސް ވަނީ ބުނެފައެވެ.
އަދި ނައިފަރުން މާލެއަށް އައިސްފައިވާ މީހުން މާލެހިޔާ ކައިރީގައި ހުންނަ ފްލޫ ކްލިނިކް، ހުޅުމާލޭ ފްލޫ ކްލިނިކް، އަދި ވިލިމާލޭ ފްލޫ ކްލިނިކަށް ގޮސް ސާމްޕަލް ނެގުމަށް އެދިފައި ވެއެވެ.
ނަތީޖާ ނެގެޓިވްވި ކަމުގައި ވިޔަސް ނައިފަރުން އަނބުރާ ރަށަށް އައި ދުވަހުން ފެށިގެން 10 ދުވަސްވަންދެން ކަރަންޓީނުގައި ތިއްބެވުމަށް އަދި އެރަށަށް ކުރި ދަތުރުގެ މައުލޫމާތު 1676 އަށް ހިއްސާ ކުރަން އެޗްޕީއޭއިން ވަނީ އެދިފައެވެ.
Ads by STO
