ޑިސްއިންފެކްޓް ކުރުމަށް ފަހު ބަންދު ކުރި 3 މިސްކިތް ހުޅުވައިފި

ކޮވިޑް-19 އަށް ފައްސިވެފައިވާ ބަޔަކު ގޮސްފައިވާތީ ބަންދުކުރި ތިން މިސްކިތް ޑިސްއިންފެކްޓްކުރުމަށް ފަހު މިއަދު އަލުން ހުޅުވައިފިއެވެ.

Ads by Hajj Corporation

އިސްލާމިކް މިނިސްޓްރީން ބުނީ ފައްސިވި މީޙުން ގޮސްފައިވަނީ މަސްޖިދު ސުލްތާން ޙަސަން ޢިއްޒުއްދީންއާއި މަސްޖިދުލް ސުލްތާން މުޙައްދު އިމާދުއްދީން އަދި މަސްޖިދު އަފީފުއްދީންއެވެ.

އެ މިނިސްޓްރީން ބުނީ އެ ތިން މިސްކިތް ވެސް ޑިސްއިންފެކްޓް ކުރުމަށްފަހު މިއަދުގެ ފަތިސް ނަމާދާއި އެކު އަލުން ހުޅުވާފައިވާކަމަށެވެ. މި މިސްކިތްތައް ޑިސްއިންފެކްޓް ކުރުމުގެ މަސައްކަތްކުރީ މާލޭ ސިޓީ ކައުންސިލުންނެވެ.

މިއީ ކޮވިޑް-19 ފެތުރިފައިވާ މާލޭގައި ބަލި ޖެހިފައިވާ ބަޔަކު ގޮސްފައި ވާތީ މިސްކިތްތަކެއް ބަންދުކޮށް ޑިސްއިންފެކްޓް ކުރި ފުރަތަމަ ފަހަރެވެ.