ސައުދީ ރަސްގެފާނު ޓެސްޓު ތަކެއް ހެދުމަށް ހޮސްޕިޓަލުގައި އެޑްމިޓުކޮށްފި
ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒް ޓެސްޓުތަކެއް ހެދުމަށްޓަކައި ހޮސްޕިޓަލުގައި އެޑްމިޓްކޮށްފިއެވެ. މީޑިއާތަކުން ރިޕޯޓްކޮށްފައިވާ ގޮތުގައި އެމަނިކުފާނު އެޑްމިޓުކޮށްފައިވަނީ ގޯލް ބްލެޑަރ ދުޅަވުމުގެ ސަބަބުންނެވެ.
ސައުދީ އަރަބިއްޔާގައި އެމަނިކުފާނު ރަސްކަން ކުރައްވަން ފެއްޓެވީ 2015 ވަނަ އަހަރުއެވެ. މިހާރު އެމަނިކުފާނުގެ އުމުރުފުޅަކީ 84 އަހަރެވެ. އެމަނިކުފާނު ހޮސްޕިޓަލުގައި އެޑްމިޓް ކޮށްފައިވަނީ އިތުރަށް ހަދަން ޖެހޭ ޓެސްޓުތަކެއް ހެދުމަށް ކަމަށް ސައުދީގެ ޤައުމީ މީޑިއާއިން ރިޕޯޓް ކުރެއެވެ. އަދި މީގެ އިތުރަށް އެއްވެސް މައުލޫމާތެއް ހިއްސާ ކޮށްފައެއް ނުވެއެވެ.
"ސައުދީއަށް ކުރައްވަން ގަސްދުކޮށްފައިވާ ދަތުރުފުޅުގެ މުހިންމު ކަމުގެ ސަބަބުންނާއި، ރަސްގެފާނުގެ ސިއްޙީ ހާލުކޮޅު މިވަގުތު ހުރި ގޮތުން، އިސްވެރިންނާއި މަޝްވަރާ ކުރުމަށްފަހު އިރާޤުގެ ސަރުކާރުން ނިންމަވާފައިވަނީ ސައުދީއަށް ކުރައްވަން ނިންމެވި ދަތުރުފުޅު ފަސްކޮށްލުމަށް" ޕްރިންސް ފައިސަލް ބިން ފަރްހާން އަލް ސައުދް ޓްވިޓާގައި އިއުލާނު ކުރައްވާފައިވެއެވެ.
ސައުދީގެ ރައީސް އަކީ ދިވެހިރާއްޖޭގެ ސަރުކާރާ ގާތް ގުޅުމެއް ބާއްވަމުން ގެންދަވާ ބޭފުޅެއްކަން ފާހަގަ ކޮށްލެވެއެވެ.
