ކޮވިޑް19: ގޭތެރެއިން ވައިރަސް ޖެހުމުގެ ފުރުސަތު މާ ބޮޑު: ދިރާސާ

ބޭރުތެރެއަށް ވުރެ ގޭތެރެއިން ކޮވިޑް19 ޖެހުމުގެ ފުރުސަތު ބޮޑު ކަމަށް ދިރާސާއަކުން ދައްކައިފިއެވެ.

Ads by MWSC

ސައުތު ކޮރެއާގެ ޑޮކްޓަރުން ކުރި މި ދިރާސާގައި ބުނާ ގޮތުން ބޭރަށް ގޮސް އުޅުމުގެ ތެރޭގައި ވައިރަސް ޖެހުމަށް ވުރެ ގޭތެރެއިން ގޭގައި އުޅޭ މީހެއްގެ ފަރާތުން ވައިރަސް ޖެހުމުގެ ފުރުސަތު ބޮޑުވާކަމަށެވެ.

ޔޫއެސް ސެންޓަ ފޯ ޑިސީސް ކޮންޓްރޯލް އިން ޝާއިއުކޮށްފައިވާ މި ދިރާސާގައި ވަނީ ކޮވިޑް19 ގެ 5700 އަށް ވުރެ ގިނަ "ޒީރޯ ޕޭޝަންޓު"ން ހިމަނާފައެވެ. ޒީރޯ ފޭޝަންޓުންނަކީ ވައިރަހުގެ ކްލަސްޓާ އެއް ފެށުމަށް މެދުވެރިވާ ބަލި މީހާ އެވެ.

މި ދިރާސާގައި ބައިވެރިވި 5706 މީހުންގެ ފަރާތުން ޖުމްލަ 59 ހާސް މީހުނަށް ވައިރަސް ޖެހިފައެވެ. އަދި މި ދިރާސާއިން އިތުރަށް ދައްކާފައިވާ ގޮތުގައި މީގެ ތެރެއިން ކޮންމެ 100 މީހަކުން ދެ މީހަކަށް ވައިރަސް ޖެހިފައިވަނީ ގޭގައި އުޅޭ މީހެއްގެ ފަރާތުންނެވެ.

އަދި ގޭގައި ތިބޭ މީހުންގެ ތެރެއިން ފައްސިވެފައިވަނީ އުމުރުން ހަގު ކުދިންނާއި އުމުރުން ދުވަސްވީ މީހުން ކަން ވެސް ފާހަގަކޮށްފައިވެއެވެ.