ރައީސް ކަމަށް އަންނަން ކާންޔޭ، ކިމް ވަރިކޮށްފި: ބުނަނީ ކިމް ބޭވަފާތެރިވީ ކަމަށް
މަޝްހޫރު ރެޕަ ކާންޔޭ ވެސްޓް އޭނާގެ އަންހެނުން މަޝްހޫރު މޮޑެލް ކިމް ކާޑޭޝިއަން ވަރިކޮށްފި ކަމަށް ރިޕޯޓުތައް ބުނެފިއެވެ.
ރިޕޯޓުތައް މިހެން ބުނެފައިވަނީ ކާންޔޭ އޭނާގެ ޓްވިޓާ ހޭންޑަލްގައި ކުރި ޓްވީޓުތަކަކާއި ގުޅިގެންނެވެ. ނަމަވެސް ކާންޔޭ ވަނީ މިހާރު މި ޓްވީޓުތައް ޑިލިޓުކޮށްލާފައެވެ.
އެގޮތުން ކާންޔޭ ކުރި ޓްވީޓުތަކުގައި ރެޕާ މީކް އާއެކު ކިމް އޭނާ އަށް ބޭވަފާތެރިވި ކަމަށް ބުނެފައިވެއެވެ. އަދި އޭގެ ސަބަބުން ކިމް އާ ވަރިވުމަށް މަސައްކަތް ކުރަމުން އަންނަ ކަމަށާއި ނަމަވެސް އެކަމުގައި ކިމް އާއި ކްރިސް ޖެނާ ގެ ނުފޫޒު ވަރަށް ބޮޑަށް ކުރި ކަން ފާހަގަކޮށްފައިވެއެވެ. ކާންޔޭ ގެ ޓްވީޓުތަކުގައި ވަނީ މީކް އަށް ވަރަށް އެއްޗެހި ކިޔާފައެވެ. އެގޮތުން މީކް އަކީ އެއްވެސް މީހެއް ނޫން ފަދަ ގޮތަކަށް ދޭހަވާ ބަހަކުން ވާޙަކަ ދައްކާ ކާންޔޭ ބުނެފައިވަނީ ކާންޔޭ އަކީ 5 ބިލިއަން ޑޮލަރުގެ ސްޓާރެއްކަން ވެސް ފާހަގަކޮށްފައެވެ.
މީގެ އިތުރުން ވެސް ކިމް އޭނާގެ ދަރިފުޅު ނޯތް ވެސްޓަށް ބަނޑުބޮޑުވުމުން ދަރިފުޅު ވައްޓާލަން އުޅުނު ފަދަ ވާހަކަތަކެއް ވެސް އަންނަނީ ދެކެވެމުންނެވެ.
އަދި ކްރިސް އާއި ކިމް ވެގެން ކާންޔޭ އަކީ މޮޔަ މީހެއްގެ ގޮތުގައި ސިފަކުރަން ގިނަ މަސައްކަތް ތަކެއް ކުރިކަން ވެސް ކާންޔޭ ފާހަގަކޮށްފައިވެއެވެ.
ކާންޔޭ މި ޓްވީޓުތައް ޑިލިޓު ކޮށްފައިވަނީ ކީއްވެކަން އަދި އެނގިފައި ނުވިޔަސް ޑިލިޓު ކުރުމަށް ފަހު ކާންޔޭ ކުރި ޓްވީޓުގައި ބުނެފައިވަނީ އެހެން ބުނެފައި އެވަނީ މުސްތަގުބަލުގައި ރައީސް ކަމަށެވެ.
މިކަމާއި ގުޅިގެން ކިމް ވެސް އަދި ކްރިސް ވެސް އަދި އެއްޗެއް ބުނެފައެއް ނުވެއެވެ.
Ads by STO
