ކައިވެނި ކޮށްގެން އުޅޭ ފިރިހެނުން 'ވަގު ބިޓުން' ކައިރިއަށް ދަނީ ކީއްވެ؟
ދެމީހަކު ލޯބިން ގުޅި ކައިވެނި ކުރަނީ މުޅި އުމުރަށް އެކުގައި ލޯބިން ދިރިއުޅުމެއް އުޅެން ބޭނުންވެގެންނެވެ. ނަމަވެސް ކައިވެންޏަށް ފަހު ވަރަށް ގިނަ ބައެއްގެ ގުޅުމަށް އެކި ކަހަލަ ނޭދެވޭ އަސަރުތައް ކުރިމަތި ކުރުވާން ތަން ފެނެ އެވެ. ގިނަ ފަހަރަށް އަންހެންވެރިންގެ ޝަކުވާއަކީ ރައްޓެހިވެގެން އުޅުނު އިރާ އަޅާ ބަލާފައި، ކައިވެންޏަށް ފަހު ފިރިމީހާ އަށް އޭނާ އަށް ވަގުތު ނުދެވޭ މައްސަލައެވެ. ނުވަތަ ވަގު ލޯބިވެރިން ގެންގުޅޭ މައްސަލައެވެ. އަންހެނުން ޝަކުވާ ބޮޑީ ކަމަށް ބުނެ މައްސަލަ ހަމަޖައްސާލާ ފިރިހެނުން ވެސް މަދެއް ނޫނެވެ.
އެކިގައި ހޭދަ ކުރަން ލިބޭ ވަގުތުތައް މަދުވެ، ދެ މީހުންގެ މެދުގައި އޮންނަ ލޯތްބަށް ބުރޫ އެރުމަކީ ބޭވަފާތެރިވުމާއި ކައިވެނި ރޫޅިދާނެ ފަދަ މައްސަތަކާ ކުރިމަތިލާން ޖެހެ އެވެ.
ތަޖުރިބާރުން ބުނާ ގޮތުގައިފިރިމީހާ މުޅި އުމުރަށް ތިމާގެ “ކޮންޓްރޯލް” ގެ ދަށުގައި ބެހެއްޓުމަކީ އަނބިމީހާ އަށް ކުރަން ފަސޭހަ ކަމަކަށް ނުވެދާނެ އެވެ. ހާއްސަކޮށް ދަރިން ލިބުމަށްފަހު މިކަން ވެގެން ދާނީ އިތުރަށް އުނދަގޫ ކަމެއް ކަމަށް ފާހަގަކުރެއެވެ.
ނަތީޖާ އަކަށް ވެގެންދަނީ ފިރިން އެހެން ގޯޅިތައް އަޅަން ފެށުމެވެ. ހިލޭ އަންހެނުންނާ އެކު ވަގުތުތައް ހޭދަކޮށް، އުފާ ހޯދަން ފެށުމެވެ. ހާއްސަކޮށް ޖިންސީ އުފާ އެވެ.
މިގޮތަށް ހިލޭ އަންހެނުން ގެ ފަރާތުން އުފާތައް ހޯދަނީ މައިގަނޑު 5 ސަބަބަކާއި ހުރެ ކަމަށް ތަޖުރިބާކާރުން ބުނެއެވެ.
އެގޮތުން ފުރަތަމަ ކަމަކީ ތަޖުރިބާ ކުރުމުގެ ޝައުގުވެރިކަން ފިރިހެނުން މާ ބޮޑަށް ވެސް ބޭނުންވުމެވެ. އަބަދު އެކައްޗެއް ކާ ނަމަ ފޫހިވާ އުސޫލުން، އަނބިމީހާ އާ ނޫން މީހަކާ އެކު ގުޅުން ބޭއްވުމުގެ ޝައުގުވެރިކަން ފިރިހެނުންގެ ހިތުގައި އުފެދެ އެވެ. ތިމާގެ އަނބިމީހާ ނޫން މީހަކު ތަޖުރިބާކޮށްލުން އެއީ އޭގެ ތެރެއިން އެންމެ މައިގަނޑު އެއް ސަބަބެވެ.
ދެވަނަ ކަމަކަށް ބަލާ އިރު ހަމަ ފޫހިވުމުގެ މައްސަލަ އެބަ ކުރިމަތި ކުރުވަ އެވެ. ފެންނަނީ އަބަދު އެކައްޗެއް ނަމަ، އާ އެއްޗެއް ބަލާލުމުގެ ޝައުގުވެރިކަން ބޮޑުވެ އެވެ. އަބަދު ކޮޓަރި ތެރޭގައި އުޅެވެނީ “އެއްްގޮތަކަށް” ކަމަށްވާ ނަމަ، އެ ނޫން ގޮތަކަށް މަޖާކޮށްލަން ފިރިހެނުން ބޭނުންވެ އެވެ.
ކައިވެންޏަށް ފަހު، ދުވަސްކޮޅަކުން އަނބިމީހާ ދެކެ ފިރިހީމާ އެހާ ޝައުގުވެރި ނުވާ ތަން އާދެ އެވެ. މީގެ ސަބަބުން ދެ މީހުންގެ ދެމެދުގައި އޮންނަން ޖެހޭ ގުޅުން ކުޑަވެ، ލޯތްބަށް އަސަރު ކުރެ އެވެ. އެހެންވެ އަނބިމީހާ އެކު ޖިންސީ އުފާ ހޯދަން ފިރިމީހާގެ ހިތްކެނޑެ އެވެ. އެ ނޫން އިތުރު ގޮތެއް ހޯދަން ހިތް އެދެ އެވެ.
ފިރިހެނުންނަކީ އެ މީހުންގެ “ފިރިހެންވަންތަކަން” އަބަދު ވެސް ދައްކާލަން ބޭނުންވާ ބައެކެވެ. އެހެންވެ ތިމާގެ ކާމިޔާބުކަމާއި ކުޅަދާނަކަން ސާބިތުކޮށް ދިނުމުގެ ގޮތުން ވެސް ބައެއް ފިރިހެނުން ހިލޭ އަންހެނުން ގާތަށް ގޮސް އުފާ ހޯދަން ބޭނުންވެ އެވެ.
ޖިންސީ އުފާ ނެތުމަކީ ހަޔާތުގައި އުފަލެއް ނެތުން ކަމަށް ދެކޭ ފިރިހެނުން ބައިވަރެވެ. އެހެންވެ ތިމާގެ ޖިންސީ ބާރުވެރިކަމާއި ކުޅަދާނަ ކަމާއި ގާބިލްކަން ދެއްކުމުގެ ގޮތުން ވެސް އިތުރު ދިމަދިމާ އަށް ދިއުމަށް ހިތް ޖައްސަ އެވެ. އެކަން އެގޮތަށް ނުވާ ނަމަ ތިމާއަކީ މާ ބަލިކަށި މީހެއްގެ އިހުސާސް ބައެއް ފިރިހެނުންނަށް ކުރެ އެވެ.
Ads by STO
