ފުލުހުންނާއި ސިފައިންގެ ފްލެޓް މަޝްރޫއުގައި އެއްވެސް ބައިވެރިވުމެއް ނޯންނާނެ: މުއިއްޒު
ފުލުހުންނާއި ސިފައިންނަށް އަޅާ ފްލެޓްގެ މަޝްރޫޢުގައި އެއްވެސް ބައިވެރިވުމެއް ނޯންނާނެ ކަމަށް ކުރީގެ ހައުސިން މިނިސްޓަރު އަދި ޕީޕީއެމްގެ ނައިބް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު މިހެން ވިދާޅުވީ އެމްޑީޕީ އަށް ނިސްބަތްވާ ބައެއް މަޖިލީސް މެމްބަރުން އޭނާ އާއި ފްލެޓްތަކާއި ގުޅުވައިގެން ދައްކަވަމުން ގެންދަވާ ވާހަކަތަކާ ގުޅިގެންނެވެ.
އެގޮތުން މުއިއްޒު ކުރެއްވި ޓްވީޓެއްގައި ވިދާޅުވީ ޕޮލްކޯ އާއި ސިފްކޯގެ ހައުސިން މަޝްރޫއުގައި އޭނާގެ އެއްވެސް ބައިވެރިވުމެއް ނޯންނާނެކަން ކުރީގެ ޑިފެންސް މިނިސްޓަރު އަދި ދަނގެތި ދާއިރާގެ މެމްބަރު މުހައްމަދު ނާޒިމާއި ތިމަފަރަފުށި ދާއިރާގެ މެމްބަރު އަބްދުﷲ ރިޔާޒަށް ވެސް އެކަން އެނގިވަޑައިގަންނަވާނެ ކަމަށެވެ.
"އެމްޑީޕީގެ ބައެއް މަޖިލިސް މެމްބަރުން ފަތުރަމުން އެގެންދާ ދޮގު ވާހަކަތަކެއް، އެއީ ސިޔާސީ މަގުސަދެއްގައި ހާސިލް ކުރަމުން ގެންދާ ކަމެއް." މުއިއްޒު ވިދާޅުވިއެވެ.
I have NOTHING to do with POLCO or SIFCO housing projects. @nazim7878 and @riyazabdulla will know this very well. What's being said currently by some MDP MPs are blatant lies spread for mere political purposes.
— Dr Mohamed Muizzu (@MMuizzu) July 23, 2020
ކޮމެންޓް