ކޮވިޑް19 ދަރިވަރުންގެ ފަރާތުން ޓީޗަރަށް ޖެހުމުގެ ފުރުސަތު ކުޑަ
ދުނިޔޭގެ އެއްވެސް ހިސާބެއްގައި މިހާތަނަށް ދަރިވަރެއްގެ ފަރާތުން ޓީޗަރަކަށް ކޮވިޑް19 ޖެހުނު ކަމަށް ރިޕޯޓުކޮށްފައި ނުވާ ކަމަށް ދިރާސާއަކުން ދައްކައިފިއެވެ.
ޔުނިވާސިޓީ އޮފް އެޑިންބާގް ގެ ސައިންސްވެރިން ކުރި މި ދިރާސާގައި ބުނެފައިވާ ގޮތުގައި މިހާތަނަށް ދުނިޔޭގެ އެއްވެސް ހިސާބެއްގެ ސުކޫލަކުން ދަރިވަރުންގެ ފަރާތުން ޓީޗަރަކަށް ވައިރަސް ޖެހުނު ކަމުގެ ހެއްކެއް ލިބިފައި ނުވާ ކަމަށެވެ.
އަދި ވައިރަހާއި ގުޅިގެން ސުކޫލުތައް ބަންދުކުރުމަކީ ހެދުނު ގޯހެއްގެ ގޮތުގައި ވަނީ ފާހަގަކޮށްފައެވެ.
އެގޮތުން ކުޑަކުދިންނަށް ވައިރަސް ޖެހޭ މިންވަރު މަދުކަމަށާއި އަދި އެކަމުގެ ހެކިތައް ވެސް ވަރަށް މަދުކަން ފާހަގަކޮށްފައިވެއެވެ.
މިހާތަނަށް ކޮވިޑް19 ޖެހިގެން އިނގިރޭސިވިލާތުގައި މަރުވެފައިވަނީ 15 ކުދިންނެވެ. މިއީ އެގައުމުން ކޮވިޑް ޖެހިގެން މަރުވި މީހުންގެ ތެރެއިން 0.03 އިންސައްތައެވެ.
