ޑިއުޓީގައި ހުއްޓައި ނިޔާވި ފުލުހުންގެ އަގު ހާއްސަ ގޮތެއްގައި ވަޒަންކުރާނެ: ސީޕީ
ޑިއުޓީގައި ތިއްބައި ނިޔާވި ފުލުހުންގެ ހިދުމަތުގެ އަގު އަބަދުވެސް ވަޒަންކުރައްވާނެ ކަމަށް ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ސީޕީ ހަމީދު މިހެން ވިދާޅުވީ މިއަދު ފާހަގަކުރަމުންދާ ޕޮލިސް މޯމިރިއަލް ޑޭ އާއި ގުޅުވައި ކުރެއްވި ޓްވީޓެއްގައެވެ.
އެގޮތުން ސީޕީގެ ޓްވީޓުގައި ވަނީ ޑިއުޓީ އަދާކުރަމުންދަނިކޮށް ދިމާވި އެކި ހާދިސާތަކުގައި ނިޔާވި ފަސް ފުލުހެއްގެ ނަން ފާހަގަކުރައްވާފައެވެ. އެގޮތުން އެ ހިތްވަރުގަދަ ފުލުހުންގެ ހަނދާންތަކާއި ހިދުމަތުގެ އަގު އަބަދުވެސް ވަޒަން ކުރާނެ ކަމަށް ސީޕީ ވިދާޅުވިއެވެ.
Sergeant Adam Haleem
— Mohamed Hameed (@M_Hameedh) July 23, 2020
Corporal Ahmed Wifaq
Constable Yoosuf Zameer
Corporal Misbah Abdulla
Lance Corporal Ali Nazim
Commemorating these brave police officers who gave their lives in the line of duty.
We will forever celebrate and remember them.
May Allah SWT grant them Jannah.
ޕޮލިސް މެމޯރިއަލް ދުވަހަކީ ކޮންމެ އަހަރެއްގެ ވެސް ޖުލައި މަހުގެ 23 ވަނަ ދުވަހެވެ. މިއީ ފުލުހުންގެ ޚިދުމަތުގައި ރަސްމީ ޑިއުޓީގައި ތިއްބަވަނިކޮށް ދިމާވި އެކިއެކި ޙާދިސާތަކާއި، ދެކޮޅުވެރި ޙަމަލާތަކުގައި ޝަހީދުވާ ފުލުހުންގެ ޛިކުރާ އައުކުރުމުގެ ގޮތުން ދިވެހި ފުލުހުންގެ މުއައްސަސާއިން ފާހަގަކުރާ ދުވަހެކެވެ. މިދުވަސް ފާހަގަކުރަން ފަށާފައިވަނީ 2013 ވަނަ އަހަރުން ފެށިގެންނެވެ.
ކޮމެންޓް