ޅ. ކުރެންދޫގެ ނަރުދަމާގެ މަސައްކަތް ނިމި، މިހާރު ވަނީ ޓެސްޓު ކުރަން ތައްޔާރު ވެފައި: އެމް.ޑަބްލިއު.އެސް.ސީ
އެމް.ޑަބްލިއު.އެސް.ސީގެ ފަރާތުން ޅ.ކުރެންދޫގައި ޤާއިމު ކުރަމުންދާ ނަރުދަމާ ނިޒާމުގެ 99 އިންސައްތަ މަސައްކަތް ނިމިފައިވާ ކަމަށް އެ ފަރާތުންބުނެފިއެވެ.
އެގޮތުން މި މަޝްރޫއުގެ ދަށުން އެ ރަށުގެ ނަރުދަމާ ނިޒާމުގެ މައި ނެޓްވޯކް ޤާއިމުކޮށް އަދި 366 ގެއެއްގައި ޖަންކްޝަން ބަހައްޓައި އެ ގެތަކަށް ނަރުދަމާނަރުދަމާގެ ކަނެކްޝަމް ގުޅައިދެވިފައި ވާކަމަށް އެ ފަރާތުން މައުލޫމާތު ދެއެވެ.
ކުރެންދޫގައި ނަރުދަމާ ނިޒާމު ގާއިމު ކުރުމުގެ މަސައްކަތް ފަށާފައިވަނީ 2018 ވަނަ އަހަރުގެ ސެޕްޓެމްބަރު މަހުގެ 20 ވަނަ ދުވަހުއެވެ. މި މަޝްރޫއުގެ ދަށުން6000 މީޓަރުގެ ނަރުދަމާ މައި ނެޓްވޯކާއި، 720 މީޓަރުގެ ޕަންޕިން ލައިން އެއް ޤާއިމު ކުރެވިފައި ވެއެވެ.
މި މަޝްރޫއުއަށް ޖުމުލަ 29،401،918.84 މިލިއަން ރުފިޔާ ޚަރަދުވާނެ ކަމަށް އެމް.ޑަބްލިއު.އެސް.ސީ އިން މައުލޫމާތު ދެއެވެ.
ކުރެންދޫގެ ނަރުދަމާގެ މަސައްކަތް ނިމިފައިވާއިރު މި ނިޒާމު ޓެސްޓު ކުރުމަށް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑްއިންފްރާސްޓްރަކްޗަރ އަށް ވާނީ ދަންނަވާފައި ކަމަށް އެ ފަރާތުން ބުނެއެވެ
Ads by STO
