ކޮވިޑް ޖެހިގެން ރާއްޖެއިން އިތުރު މީހަކު ނިޔާވެއްޖެ

ކޮވިޑް-19 ޖެހިގެން ރާއްޖެއިން އިތުރު މީހަކު ނިޔާވެއްޖެއެވެ.

Ads by Sosun Fihaara

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ މި ބަލީގައި ރާއްޖެއިން މިއަދު ނިޔާވެފައި ވަނީ އުމުރުން 66 އަހަރުގެ ފިރިހެނެއް ކަމަަށެވެ.

އެޗްޕީއޭއިން ވިދާޅުވީ އެ މީހާ މިއަދު މެންދުރު 12:27 ގައި އައިޖީއެމްއެޗްއަށް ގެނައީ އެއްވެސް ހަރަކާތެއް ނުކުރާތީ ކަމަށާއި އޭނާ ނިޔާ ވެފައިވާ ކަމަށް ކަނޑައެޅީ މެންދުރު 12:35ގައި ކަމަށެވެ.

މިއީ ރާއްޖެއިން މި ބަލީގައި ނިޔާވި 67ވަނަ މީހާ ކަމަށް ވެސް އެޗްޕީއޭއިން ވިދާޅުވިއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވައި، ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!

إِنَّا لِلّهِ وَإِنَّـا إِلَيْهِ رَاجِعُون