Tuesday, 17 November 2026
Advertisement
STO — McCoy (leaderboard)
ޚަބަރު

ފުރަތަމަ ތިންމަހު، ރާއްޖޭގެ އިޤްތިޞާދު އަންދާޒާ ކުރި ވަރަށްވުރެ ރަނގަޅު: މަބްރޫކް

ފުރަތަމަ ތިންމަހު، ރާއްޖޭގެ އިޤްތިޞާދު އަންދާޒާ ކުރި ވަރަށްވުރެ ރަނގަޅު: މަބްރޫކް

މިދިޔަ އަހަރު އަންދާޒާ ކުރި ވަރަށް ވުރެ ބޮޑު ކުރިއެރުމެއް ރާއްޖޭގެ އިޤްތިޞާދަށް މިއަހަރު ލިބޭނެ ބެލެވޭ ކަމުގައި ސަރުކާރުން ވިދާޅުވެއްޖެއެވެ.

ރައީސް އޮފީހުގެ ތަރުޖަމާނު މުޙައްމަދު މަބްރޫކް ޢަޒީޒް މިހެން ވިދާޅުވެފައި ވަނީ ރައީސުލްޖުމްހޫރިއްޔާގެ އޮފީހުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ. މަބްރޫކް ވިދާޅުވީ މިއަހަރުގެ ފުރަތަމަ ތިން މަސްދުވަސް ނިންމާލިއިރު ރާއްޖޭގެ އިޤްތިޞާދު ކުރިއަރާ މިންވަރު އޮތީ ރަނގަޅު މިންވަރެއްގައި ކަމަށެވެ.

މި ތިންމަސް ނިންމާލިއިރު މިދިޔަ އަހަރުގެ ބަޖެޓު ހެދިއިރު އިންކަމް ނުވަތަ މިއަހަރު ސަރުކާރަށް ވަންނާނެ ކަމަށް ހީކޮށްގެން ތިބި ފައިސާއަށް ވުރެ އިތުރަށް ކޮންމެ މަހަކު ވެސް ފައިސާ ލިބިގެންދިޔަ ކަމަށް މަބްރޫކް ވިދާޅުވިއެވެ.

Advertisement
HDC — Sidebar (box)

“މި ތިން މަސް އަޅުގަނޑުމެން ނިންމާލިއިރު ކޮންމެ މަހަކުވެސް އަޅުގަނޑުމެން މިދިޔަ އަހަރުގެ ބަޖެޓު ހެދިއިރު އިންކަމް ނުވަތަ މިއަހަރު ސަރުކާރަށް ވަންނާނެ ކަމަށް ހީކޮށްގެން ތިބި ފައިސާއަށްވުރެ އިތުރަށް ފައިސާ ލިބިގެން. އަދި ވެކްސިނޭޝަންގެ ކަންކަން މިހާރު ދާގޮތުން އަޅުގަނޑުމެންނަށް ﷲ ރަހުމަތުން ރަނގަޅު ކުރިއެރުމެއް ފެންނާނެ ކަމާމެދު އުއްމީދު ބޮޑު” މަބްރޫކް ވިދާޅުވިއެވެ.

މަބްރޫކް ވިދާޅުވި ގޮތުގައި، މިދިޔަ އަހަރު ނޮވެމްބަރުމަހު ސަރުކާރުން އަންދާޒާކުރީ މިއަހަރު ޖުމުލަ 6 ލައްކައެއްހައި ފަތުރުވެރިން ރާއްޖެ އަންނާނެ ކަމަށް ކަމަށެވެ. އެހެން ނަމަވެސް މިހާރު ކުރެވޭ އަންދާޒާތަކަށް ބަލާއިރު އަހަރު ނިމޭއިރު މިލިއަނަކަށްވުރެ ގިނަ ފަތުރުވެރިން އަންނާނެކަމަށް ބެލެވޭކަމަށް ޓުއަރިޒަމް މިނިސްޓްރީން ވިދާޅުވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.