ކޮވިޑް19: ބަލިން ރަނގަޅުވި ދިވެއްސަކަށް އަލުން ބަލި ޖެހިއްޖެ
ކޮވިޑް-19 ބަލިން ރަނގަޅުވި ދިވެއްސަކު އަނެއްކާވެސް އެ ބައްޔަށް ފައްސިވެއްޖެއެވެ. ބައްޔަށް އަލުން ފައްސިވެފައިވަނީ ބޭސްފަރުވާއަށް އާސަންދަގެ އެހީގައި އިންޑިއާށް ދިޔަ މީހެކެވެ.
އާސަންދަ އޮފީހުގެ މީޑިއާ އޮފިޝަލު ވިދާޅުވި ގޮތުގައި އެ މީހާ އަކީ އިންޑިއާއިން މިދިޔަ އަންގާރަ ދުވަހު، ކޮވިޑް-19 އަށް ޓެސްޓު ކުރުމަށް ސާމްޕަލް ނެގި މީހެކެވެ.
އޭނާއަކީ މެއި މަހު ކޮވިޑް-19 އަށް ފައްސިވެ، އެ ބަލިން ރަނގަޅުވެފައި ހުރި މީހެކެވެ. އިންޑިޔާ އަށް ދިޔައީ ވެސް، ރާއްޖެއިން ކޮވިޑަށް ހެދި ޓެސްޓު ޑަބަލް ނައްސިވުމުންނެވެ. އެމީހާގެ އިތުރުން، އެހީތެރިއެއްގެ ގޮތުގައި ދިޔަ އެހެން މީހަކު ވެސް ވަނީ، ފައްސިވެފައެވެ އެވެ.
އެގޮތުން ބޭސް ފަރުވާއަށް އިންޑިއާ އަށް ދިޔަ މީހުންގެ ތެރެއިން އިތުރު ދެ މީހަކު ކޮވިޑް-19 އަށް ފައްސިވެފައިވާ ކަމަށާއި،ދެ މީހުންގެ ހާލުވެސް ރަނގަޅެވެ، ހަމައެހެންމެ މި ދެމީހުންގެ ފަރާތުން ވެސް ބަލީގެ އެއްވެސް އަލާމާތެއް ފެނިފައެއް ނުވާ ކަމަށް އާސަންދަ އާސަންދަ އޮފީހުގެ މީޑިއާ އޮފިޝަލް ވިދާޅުވިއެވެ.
އެ ދެ މީހުންނަކީވެސް ބަލި މީހެއްގެ އެހީތެރިންގެ ގޮތުގައި ދިޔަ ދެ މީހުންނެވެ.
