ބައެއް ރަށްތަކަށް އުދައަރާފާނެ ކަމަށްބުނެ ހުދު ސަމާލު ނެރެފި

ދިޔަވަރު ބޮޑުވާ ވަގުތުގައި ބައެއް ރަށްތަކަށް އުދަ އަރާފާނެ ކަމަށް ލަފާކޮށް މޫސުމާއިބެހޭ ޤައުމީ އިދާރާ (މެޓް އޮފީހުން) ހުދު ސަމާލު ނެރެފިއެވެ.

Ads by STELCO

އެގޮތުން މެދުރާއްޖެތެރެއާއި ދެކުނުގެ އަތޮޅުތަކަށް އުދައަަރާފާނެ ކަމަށް ލަފާކޮށް މެޓް އޮފީހުން ހުދު ސަމާލު ނެރެފައިވަނީ ކ.އަތޮޅުންފެށިގެން އައްޑޫސިޓީއާ ދެމެދުގެ ރަށްތަކަށެވެ.

މި ސަރަޙައްދުތަކަށް ދިޔަވަރުބޮޑުވާނީ މެންދުރުފަހު 03:00 އިން ފެށިގެން 19:00އާއި ދެމެދުގެ ގަޑިތަކުގައިކަމަށްވެސް މޫސުމާބެހޭ ޤައުމީ އިދާރާއިން ބުނެފައިވެއެވެ.

މީގެއިތުރުން ފ. އަތޮޅުން ފެށިގެން ލ. އަތޮޅަށް ވެސް ގުގުރުމާއެކު ވިއްސާރަ ކޮށްފާނެ ކަަމަށް ލަފާކޮށް އެސަރަޙައްދަށް ވެސް ވަނީ ހުދު ސަމާލު ނެރެފައެވެ.