މިނިވަންކަން ދެމެހެއްޓޭނީ އިގްތިސާދީ ގޮތުން ފުދުންތެރި ބަޔަކަށް ވެގެން: ޝަހީމް

ރާއްޖޭގެ މިނިވަންކަން ދެމެހެއްޓޭނީ އިގްތިސާދީ ގޮތުން ފުދުންތެރި ބަޔަކަށް ވެގެން ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

ޝަހީމް މިހެން ވިދާޅުވީ މިއަދު ފާހަގަކުރަމުންދާ މިނިވަން ދުވަހުގެ މުނާސަބަތުގައި ކުރެއްވި ޓްވީޓެއްގައެވެ.

އެގޮތުން ޝަހީމް ވިދާޅުވީ ރާއްޖެ އަކީ އެއްވެސް ޤައުމެއްގެ ސްޓޭޓެއް ގޮތަށް އޮޕްރޭޓްކުރުމަކީ ސިޔާސީ އަޅުވެތިކަމުގެ ދަށަށް ދިއުން ކަމަށެވެ. އަދި އެކަމުން ސަލާމަތް ވެވޭނީ އިޤުތިޞާދީ ގޮތުން ފުދުންތެރި ބަޔަކަށް ވެގެން ކަމަށާއި އިޤުތިޞާދީ ގޮތުން ފުދުންތެރި ބަޔަކަށް ވެވޭނީ ދައުލަތް ހިންގުމުގައި އަމިއްލަ ތަޞައްވުރެއް އޮވެގެން ކަމަށް އޭނާ ވިދާޅުވިއެވެ.