ލިޓަސްއަށް ފާރިޝް ދައްކަން އޮތް ބައިލައްކައަށްވުރެ ގިނަ ރުފިޔާ މާފުކޮށްދީފި
ގެނބިގެން ނިޔާވި ސިފައިންގެ ލާންސްކޯޕްރަލް ޙުސެއިން ފާރިޝް، ލިޓަސްއަށް ދައްކަން އޮތް ބައިލައްކައަށް ވުރެ ގިނަ ރުފިޔާ ލިޓަސްއިން މާފު ކޮށްދީފިއެވެ.
ފާރިޝް ވަނީ ލިޓަސްއިން ސައިކަލެއް އިންސްޓޯލްމަންޓަށް ނަގައިފައެވެ.
އޭނާގެ އާއިލާއަށް އެޑްރެސްކޮށް ލިޓަސްއިން ފޮނުވި ސިޓީއެއްގައި ބުނެފައި ވަނީ އެ ކުންފުނިން ފާރިޝް އިންސްޓޯލްމެންޓަށް ނަގާފައިވާ ސައިކަލަށް، ނުދެއްކި އޮތް ބައިލައްކައަށްވުރެ ގިނަ ރުފިޔާ އެ ކުންފުނީގެ މެނޭޖްމެންޓުން މައާފް ކޮށްދީފައިވާ ކަމަށެވެ.
ފާރިޝް ނިޔާވީ، ލ.ކައްދޫގެ އިރުމަތިފަރާތައް ސްނޯކްލިންއަށް މަސް ހިފުމަށް ގޮސް އުޅެނިކޮށް އޮއިގަނޑެއްގައި ޖެހި ދަމައިގަނެގެން، މި ދިޔަ ބުދަ ދުވަހުއެވެ.
ލ. މާބައިދޫ / ޑަޔަމަންޑްވިލާ ޙުސައިން ފާރިޝް (ލާންސް ކޯޕްރަލް ފާރިޝް) އުފަންވީ 26 ޖަނަވަރީ 1993 ގައެވެ. އެހެންކަމުން ނިޔާވިއިރު އުމުރަކީ އެންމެ 28 އަހަރެވެ. 2016 ވަނަ އަހަރުގެ އޮކްޓޯބަރު މަހުގެ 11ވަނަ ދުވަހު ސިފައިންގެ ޚިދުމަތާ ގުޅުނު ލާންސް ކޯޕްރަލް ފާރިޝް، ޒަވާޖީ ހަޔާތެއް ފައްޓަވައިފައެއް ނުވެއެވެ.
ކުރިން ޕްރައިވެޓެއްގެ މަޤާމުގައި ހުންނެވި ޙުސެއިން ފާރިޝް، ލާންސް ކޯޕްރަލް ކަމުގެ މަޤާމަށް ޕްރޮމޯޓް ވީ 01 ޖޫން 2020 ގައެވެ. އޭނާ މަސައްކަތް ކުރެއްވީ އެމްއެންޑީއެފް މެރިން ޑިޕްލޮއިމަންޓް ޔުނިޓް 1 ގައެވެ.
ލާންސް ކޯޕްރަލް ފާރިޝް ނިޔާވިއިރު ސިފައިންގެ ޚިދުމަތުގައި ހަތަރު އަހަރާއި 5 މަހާއި 19 ދުވަސް ހޭދަ ކޮށްފައި ވެއެވެ.
އޭނާ ފުރިހަމަ ކުރައްވާފައިވާ ތަމްރީންތަކުގެ ތެރޭގައި 63 ވަނަ ސިފައިންގެ އަސާސީ ތަމްރީން ކޯސް، އެމްއެންޑީއެފް އިން ހިންގި ރެސްކިއު ސްވިމިންގ ކޯހުގެ ގޯލްޑް ލެވެލް، އެމްއެންޑީއެފް އިން ހިންގި މެރިންކޯ ބޭސިކް ކޯސް-6، ކައުންޓަރ ޓެރަރިޒަމް ކްލޯސް ކުއާޓަރ ބެޓަލް ކޯސް އަދި އެމްއެންޑީއެފް ސެންޓަރަލް އޭރިއާ ލ.ކައްދޫގައި 3 ހަފުތާގެ އަސްކަރީ ތަމްރީން ކޯހެއް ވެސް ހިމެނެއެވެ.
ލިޓަސް ކުންފުނިން ފާރިޝްގެއާއިލާ އަށް ތިޔަދެއްވި އެއްބާރުލުމަށް ފައްފަށުން ޝުކުރު އަދާކުރަން ލިޓަސް އަށް ﷲގެ ރަހުމަތުން އިތުރު ކުރިއެރުން ދެއްވާށި އާމީން
ނޫހުގައި ނުޖަހާ ހަމައެކަނި ޢާއިލާއަށް އަންގާލިނަމަ ހާދަ ފުރިހަމަ ވީހޭ ހިތަށްއެރުމުން ބުނެލީ.
ނޫހުގައި ޖެހުން ގޯހެއް ނޫން. އެފުރުޞަތު އޮތްކަން އެނގުމަކީ ދެންތިބި މީހުންނަށްވެސް ހިތްހަމަޖެހުމެއް. ކާކު މަރުވެގެންދާއިރު އާއިލާގެ އެހެން މީހުންނަށް އޭނާގެ ދަރަންޏެއްގެ ބުރަ ޖެހެން އެދޭނީ
މާތްﷲ ތިޔަފަދަ ވިޔަފާރިވެރިންނާއެކު ވޮޑިގެންވޭ ތިކަން އިސްތިހާރު ނުކޮއް ވެރިފަރާތާ އެބޭފުޅާގެ އަަނބި ނުވަތައާއިލާޔާ ހިއްސާކުރިނަމަ މާރަނގަޅުއަދި
އަހަރެންގެ ބޭބެ ދައްކަން އޮތް ބައި މާފު ކޮށް ނުދޭނަންތަ