ކޮވިޑް19: މިއަދު އެއްވެސް މީހަކު ބަލިން ރަނގަޅުވެފައެއް ނުވޭ

ކޮވިޑް19 ޖެހުނު މީހުންގެ ތެރެއިން މިއަދު އެއްވެސް މީހަކު ބަލިން ރަނގަޅުވެފައެއް ނުވާ ކަމަށް އެޗްޕީއޭ އިން ބުނެފިއެވެ.

Ads by Hajj Corporation

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ ކުރި ޓްވީޓުގައި ބުނެފައިވާ ގޮތުގައި މިއަދު 50 މީހަކު ވަނީ މި ބައްޔަށް އަލަށް ފައްސިވެފައެވެ. އޭގެ ތެރޭގައި ގިނައީ ދިވެހިންނެވެ. 34 މީހުންނަކީ ދިވެހިންނެވެ. ދެން ހިމެނެނީ ބަންގަލްދޭޝްގެ 14 މީހަކާއި އިންޑިއާ ދެ މީހެކެވެ.

މިއަދު ކޮވިޑް ބަލިން އެއްވެސް މީހަކު ރަނގަޅުވެފައެއް ނުވެއެވެ. ރާއްޖެއިން މިހާތަނަށް ރަނގަޅުވީ މީހުންގެ ޖުމްލަ އަދަދަކީ 2،534 އެވެ.

މިއަދު ފައްސިވި މީހުނާއެކު ރާއްޖެއިން ފައްސިވި މީހުންގެ އަދަދު ވަނީ 3،302 އަށް އަރާފައެވެ.

މިވަގުތު ފަރުވާގައި ތިބީ 738 މީހުންނެވެ. ކޮވިޑްގައި ރާއްޖެއިން 15 މީހަކު ވަނީ ނިޔާވެފައެވެ.