ފިރިމީހާގެ ޖިންސީ ބަލިކަށިކަމުގެ އަސްލަކީ އަނބިމީހާ ކަމުގައި ވެދާނެތަ؟
ގިނަ ފިރިހެނުންނަށް އެމީހުންގެ ހަޔާތުގެ ކޮންމެވެސް ދުވަސްވަރެއްގައި ޖިންސީ ފިނިކަމާއި ނުވަތަ ބަލިކަށި ކަމާއި، ކުރިމަތިލާން ޖެހެއެވެ. މިކަން ދިމާވަނީ ތަފާތު އެކި ހާލަތްތަކާއި ގުޅިގެންނެވެ.
މިގޮތުން ހާސްވެ ފިކުރު ބޮޑުވެފައި ހުންނަ ދުވަސްވަރެއްގައި ނުވަތަ ތިމާގެ މީހަކު މަރުވެގެން މާބޮޑަށް ދެރަވެ ހިތާމަ ކުރަމުންދާ ދުވަސްވަރެއްގައި ނުވަތަ މަސައްކަތުގައި މާބުރަކޮށް އުޅެން ޖެހުމަކީ ވެސް ޖިންސީ ފިނިކަން ކުރިމަތިކަން ކަމެެވެ.
ސިއްހީ މާހިރުން ބުނާ ގޮތުގައި ފިރިމީހާގެ ޖިންސީ ބަލިކަށިކަމުގެ އަނބިމީހާ އަކީ ސަބަބުކަމުގައި ވުމަކީ ވެސް އެކަށީގެންވާ ކަމެކެވެ. ތަންކޮޅެއް ޝަޚުސިއްޔަތު ދަށް ފިރިއެއް ނަމަ ބައެއް ފަހަރު އަނބިމީހާ އޭނާގެ މައްޗަށް ބާރު ހިންގައި ހަދައި އުޅޭނަމަ މިފަދަ ހާލަތްތަކުގައި އެ އަންހެނާއަށް އޭނާގެ ފިރިމީހާއަކީ ޖިންސީ ގޮތުން ބަލިކަށިވެފައިވާ މީހެއް ކަމަށް ގަބޫލުކުރެވޭގޮތް ވެއެވެ. މިހާލަތުގައި އަނބިމީހާ މަސައްކަތްކުރަނީ ޖިންސީ ގުޅުން އޭނާގެ ކޮންޓްރޯލްގެ ދަށުގައި ދަމަހައްޓައި އޭނާ ގެ މަސްލަހަތަށް ވާގޮތަށް އެކަން ފުރިހަމަ ކުރުމަށެވެ.
ބައެއް ފަހަރު އަނބިމީހާ އަކީ ނުސާފު ތާހިރު، އަދި އޭނާގެ އުޅުމާއި ސުލޫކް ގައި މާ ހަރުދަނާކަމެއް ނެތް ފަރުވާކުޑަމީހެއް ނަމަ ޖިންސީ ބަލިކަށިކަން ކުރިމަތިވުމުގެ މަސްދަރެއްކަމުގައި އޭނާވެގެން ދެއެވެ. މިފަދަ ހާލަތްތަކުގައި ކުރިމަތިވަނީ ކީ ހަގީގީ ޖިންސީ ބަލިކަށިކަމެއް ނޫނެވެ. އެއީ ބަޔާންކުރެވުނު ފަދަ ހާލަތްތަކުގައި ފިރިމީހާ ޒުވާން ލޫޅާފަތި މުރާލި އަންހެނަކާއި ކައިވެނި ކޮށްފިނަމަ ޖިންސީ ގުޅުމަކީ ހީވާގި ފުރިހަމަ ގޮތުގައި ހިންގޭ އުފާވެރި ގުޅުމަކަށް ވެގެންދެއެވެ.
Ads by STO
