ދޯންޏެއްގައި ހުރި ދިވެއްސެއްގެ އަތަށް ވަޅިއެއް ހެރިއްޖެ

ފ. އަތޮޅު ނިލަންދޫ ކައިރީގައި އޮތް ދޯންޏެއްގައި ހުރި ދިވެއްސެއްގެ އަތަށް ވަޅިއެއް ހެރިގެން ސިފައިން ހަރަކާތްތެރި ވެއްޖެއެވެ.

އެމްއެންޑީއެފުން ބުނީ ފ.ނިލަންދޫ ބޭރުގައި ކަންނެލި މަސްވެރިކަން ކުރަމުން ދިޔަ “އުމެރި-1”ދޯނީގައި ހުރި 44 އަހަރުގެ ފަޅުވެރިއެއްގެ އަތަށް ވަޅިއެއް ހެރިގެން ހަރަކާތްތެރިވަމުން ދާ ކަމަށެވެ. އަދި އެމްއެންޑީއެފް ސެންޓްރަލް އޭރިއާ ކޯސްޓު ގާޑްގެ އެހީތެރިކަމާއެކު ސީ އެމްބިއުލާންސްގައި 16:03 ގައި ފ.ނިލަންދޫއަށް ގެންގޮސްފައިވާ ކަމަށެވެ.

އެ މީހާގެ އަތަށް ވަޅި ހެރެން މެދުވެރިވި ސަބަބު އަދި ސާފެއް ނުވެއެވެ.