ސަމާލުވޭ! މާ ގިނައިން ސެނިޓައިޒާ ބޭނުން ކުރުމުން ހަންގަނޑު ހަލާކުވޭ
ކޮވިޑް19 އާއެކު ސެނިޓައިޒާ ބޭނުން ކުރާ މިންވަރު މިވަނީ ބޮޑުތަނުން އިތުރުވެފައެވެ. ކޮންމެ މީހަކުވެސް ސެނިޓައިޒާ ފުޅިއެއް މިހާރު އަބަދުވެސް ގެންގުޅޭނެއެވެ.
ނަމަވެސް މާހިރުން ބުނާ ގޮތުގައި މާ ގިނައިން ސެނިޓައިޒާ ބޭނުން ކުރުމަކީ އޭގެ ސަބަބުން ހަންގަނޑަށް ގެއްލުން ލިބި ހަންގަނޑަށް ޖެހޭ ބައްޔެއް ކަމަށްވާ ޑާމަޓައިޓިސް ޖެހޭ ކަމެކެވެ. އަދި އެދެވިގެންވާ ގޮތަކީ ސެނިޓައިޒާ ބޭނުން ކުރާ މިންވަރު މަދުކޮށްެ އަތް ދޮވެވެން އޮންނަ ހާލަތްތަކުގައި އަތް ދޮތުމެވެ.
ހަމުގެ ޑޮކްޓަރުން ވިދާޅުވާ ގޮތުގައި ސެނިޓައިޒާ ހޭކުމުން އަތުގައި ހުންނަ ޖަރާސީމާއި ވައިރަސްތައް ނައްތާލަން އެހީތެރިވީ ނަމަވެސް އަތުގައި ހުންނަ ރަނގަޅު ބެކްޓީރިއާ ތައް ވެސް މަރުވެއެވެ. މީގެ ސަބަބުން ހަންގަނޑު މާ ބޮޑަށް ޑްރައި ވުމާއި އަތް ތިލައިން ދިލަ ނެގުމާއި ރަތް ވުން އަދި ހަންގަނޑު ކަނޑައިގެން ގޮސް ލޭ އައުން ފަދަ މައްސަލަތައް ވެސް ކުރިމަތިވެއެވެ.
އެހެންކަމުން ކޮވިޑް19 އިން ރައްކާތެރިވުމަށް ސެނިޓައިޒާ ބޭނުން ކުރި ކަމުގައި ވިޔަސް ސަމާލުވާންޖެހެއެވެ. އެގޮތުން ބޭނުން ކުރުމުގައި ވީހާ ވެސް މަދު އެތިކޮޅެއް ބޭނުންކޮށް އަދި އަތް ދޮވެވެން އޮންނަ ހާލަތްތަކުގައި އަތް ދޮވުމަކީ މުހިންމު ކަމެކެވެ. އަދި ހަންގަނޑު ހިކި ކުރަކި ވުމުން ސަލާމަތް ކޮށްދިނުމަށް މޮއިސްޗަރައިޒާއެއް ބޭނުން ކުރުމަށް ވެސް ސަލާމުކަން ދޭން ޖެހެއެެވެ.
