އުގައިލް ފައުންޑޭޝަނުން ހުޅުމާލޭގައި ޕަބްލިކް ލައިބްރަރީއެއް ހުޅުވަނީ
ޕްރޮފެސަރު ޙަސަން އުގައިލްގެ އުގައިލް ފައުންޑޭޝަނުން ހުޅުމާލޭގައި ޕަބްލިކް ލައިބްރަރީއެއް ހުޅުވުމަށް ތައްޔާރުވެއްޖެއެވެ.
ޕްރޮފެސަރ އުގައިލް ވަނީ ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީއާއި އުގައިލް ފައުންޑޭޝަން ގުޅިގެން ކުރިއަށްގެންދާ މަސައްކަތުގެ ދަށުން ހުޅުވުމަށް ތައްޔާރުވަމުންދާ ލައިބްރަރީގެ ބައެއް ފޮޓޯތައް ޓުވިޓާގައި ހިއްސާކުރައްވާފައެވެ.
މި ލައިބްރަރީ އާއްމުންނަށް ހިލޭ ބޭނުންކުރެވޭނެކަމަށް އުގައިލް ވަނީ ވިދާޅުވެފައެވެ. މި ލައިބްރަރީ ޤާއިމުކޮށްފައިވަނީ ހުޅުމާލޭ ސެންޓްރޯ މޯލުގެ 3 ވަނަ ފަންގިލާގައެވެ.
މައުލޫމާތު ލިބޭ ގޮތުގައި މި ލައިބްރަރީ އާއްމުންނަށް ހުޅުވާލުމަށް ހަމަޖެހިފައިވަނީ އަންނަމަހުގެ ތެރޭގައެވެ.
އިންޓަރލެކްޗުއަލް ކޮންސެޕްޓަކަށް ތައްޔާރުކޮށްފައިވާ މި ލައިބްރަރީ އިން ފޮތްކިޔުމުގެ އިތުރުން، ކުޑަކުދިންނާއި ބޮޑެތި މީހުންވެސް ގަޔާވާ އެކި ކަހަލަ ހަރަކާތްތައް ކުރިއަށްގެންދާނެއެވެ.
Ads by STO
